وفاقی وزیررانا تنویرحسین کی زیر صدارت چینی کی درآمد سے متعلق سٹیئرنگ کمیٹی کا اجلاس

بدھ 9 جولائی 2025 17:55

وفاقی وزیررانا تنویرحسین کی زیر صدارت چینی کی  درآمد سے متعلق سٹیئرنگ ..
اسلام آباد (اُردو پوائنٹ اخبارتازہ ترین - اے پی پی۔ 09 جولائی2025ء) وفاقی وزیر قومی غذائی تحفظ و تحقیق رانا تنویر حسین کی زیر صدارت چینی کی درآمد سے متعلق سٹیئرنگ کمیٹی کا اجلاس منعقد ہوا جس میں چینی کے معیار اور درآمد کے طریقہ کار پر غورو خوض کیا گیا ۔اس موقع پر وفاقی وزیر رانا تنویر حسین نے کہا کہ چینی کی درآمد ٹریڈنگ کارپوریشن آف پاکستان کے ذریعے کی جائے گی ،چینی کی درآمد پر تمام ٹیکسز سے استثنیٰ دیا گیا ہے ۔

(جاری ہے)

انہوں نے کہا کہ پہلے مرحلے میں 2 لاکھ ٹن چینی کے لئے ٹینڈر جاری کیا جائے گا۔ انہوں نے کہا کے ایک ہفتے بعد مزید 1.5 لاکھ ٹن چینی کی درآمد کا دوسرا ٹینڈر ہوگا ،درآمد کی جانے والی چینی موٹے دانے والی اور اعلیٰ معیار کی ہو گی ۔انہوں نے کہا کہ چینی کی شپمنٹ کے بعد معائنہ لازمی قرار دیا گیا ہے ،عوام کو معیاری اور سستی چینی فراہم کرنا حکومت کی ترجیح ہے ۔انہوں نے کہا کہ چینی کی درآمد کا عمل شفاف اور معیاری ہو گا ۔انہوں نے کہا کہ سٹیئرنگ کمیٹی نے چینی کے معیار اور درآمدی طریقہ کار پر تفصیلی غور کیا ہے، یہ فیصلے عوامی مفاد اور ملکی ضروریات کو مدنظر رکھ کر کئے گئے ہیں ۔