قائداعظم ٹرافی میں کراچی کی ٹیم ضرور ہوگی کوئی نیا سسٹم نہیں بنا رہے۔ ریجنل کرکٹ ایسوسی ایشن کراچی

کراچی (اُردو پوائنٹ اخبارتازہ ترین - آن لائن۔ 09 جولائی2025ء)ریجنل کرکٹ ایسوسی ایشن کراچی کے زونل عہدیداران کا ایک اجلاس صدر ندیم عمر کی صدارت میں ریجنل کرکٹ ایسوسی ایشن کراچی کے سیکریٹریٹ میں منعقد ہوا۔ اجلاس میں مندرجہ زونل عہدیداران اور ریجن کے عہدیداران جوائنٹ سیکریٹری توصیف صدیقی، چیئرمین ٹورنامنٹ کمیٹی خالد نفیس، کوارڈینیٹر اعظم خان، صدر زون 1 اجمل نصیب، صدر زون 2 جمیل احمد، صدر زون 3 محمد رئیس، نائب صدر زون 4 سید محمد عاصم ، سیکریٹری زون 5 محمد سعید جبار، صدر زون 6 ضیائ احمد صدیقی، صدر زون 7 مظہر علی اعوان ، زون 1 کے سیکریٹری عارف وحید، زون 2 کے سیکریٹری نصرت اللہ، زون 4کے ٹریڑرار نوشاد احمد خان اور ممبر ٹورنامنٹ کمیٹی ظفر احمد نے شرکت کی۔

اجلاس میں ایک نکاتی ایجنڈے پر بات ہوئی کہ پاکستان کرکٹ بورڈ نے قائداعظم ٹرافی کی26-2025 کے سیزن میں صرف آٹھ ٹیموں کے شامل کرنے کا فیصلہ کیا ہے، جس کی وجہ سے زونل عہدیداران اور کراچی کی عوام میں کافی تشویش پائی جاتی ہے جس پرتمام عہدیداران نے صدر ندیم عمر سے گزارش کی کہ وہ جلد از جلد چیئرمین پی سی بی جناب محسن نقوی صاحب سے بات کرکے ہمارے تحفظات سے آگاہ کریں اور ان سے یہ استدعا کریں کہ پاکستان کرکٹ بورڈ اپنے فیصلے پر نظر ثانی کرے اور 26-2025 سیزن کو پچھلے فارمیٹ میں کر دیا جائے۔

(جاری ہے)

کراچی 21 مرتبہ قائداعظم ٹرافی جیتنے والی واحد ایسوسی ایشن ہے اور کراچی شہر نے کئی شہرِ آفاق کھلاڑی پیدا کیے ہیں جنہوں نے دنیائے کرکٹ میں اپنے ملک اور شہر کا نام روشن کیا ہے۔ آخر میں ریجنل کرکٹ ایسوسی ایشن کراچی کے عہدیداران نے اس امید کا اظہار کیا کہ چیئرمین پی سی بی جناب محسن نقوی صاحب یقیناًً ہمارے تحفظات کا ازالہ کریں گے،جس سے کراچی کے کھلاڑیوں کی، ریجنل کرکٹ ایسوسی ایشن کراچی کے عہدیداران کی اور عوام کی بے چینی کا خاتمہ ہوسکے گا۔

اجلاس کے اختتام پر کراچی کے عوام کو یہ خبر سننے کو ملی کہ چیئرمین پی سی بی جناب محسن نقوی صاحب نیصحافیوں سے بات کرتے ہوئے کہا کہ کوئی نیا سسٹم نہیں بنا۔ انشائ اللہ قائداعظم ٹرافی کی26-2025 کے سیزن میں کراچی کی ٹیم ہوگی، کراچی کی ایک حیثیت ہے۔ اس خبر سے کراچی کے عہدیداران میں خوشی کی لہر دوڑ گئی اور انہوں نے چیئرمین پی سی بی جناب محسن نقوی صاحب کے بیان کا خیر مقدم کرتے ہوئے انکا شکریہ ادا کیا۔