یوٹیلیٹی اسٹورز کارپوریشن آف پاکستان کے سکھر زون کے ملازمین کی بڑی تعدادکا مطالبات کے حق میں احتجاجی مظاہرہ

بدھ 9 جولائی 2025 23:13

سکھر(اُردو پوائنٹ اخبارتازہ ترین - این این آئی۔ 09 جولائی2025ء)یوٹیلیٹی اسٹورز کارپوریشن آف پاکستان کے سکھر زون کے ملازمین کی بڑی تعداد نے کانٹریکٹ اور ڈیلی ویجز ملازمین کو جوائننگ نہ دینے اور تنخواہ ادا نہ کرنے کے خلاف آل پاکستان نیشنل ورکر یونین سی بی اے کے مرکزی نائب صدر عبدالقیوم برڑو کی سربراہی میں زونل و ریجنل آفس سکھر میں احتجاجی سلسلہ جاری رہا اور مطالبات کے حصول کیلئے شرکاء نے شدید و نعریبازی کی اس موقع پر ملازمین سے خطاب کے دوران مرکزی رہنما عبدالقیوم برڑو نے کانٹریکٹ اور ڈیلی ویجز ملازمین کو جوائننگ نہ دینے اور تنخواہ ادا نہ کرنے پر اپنے شدید غصے کا اظہار کرتے ہوئے کہا کہ یوٹیلٹی اسٹورز کارپوریشن کی منیجمینٹ این آئی آر سی کورٹ کے واضح آرڈرز کے باوجود کانٹریکٹ و ڈیلی ویجز ملازمین کو تنخواہیں نہیں دی رہی ہے جو سراسر ظلم و زیادتی اور توہین عدالت ہے ، تنخواہ کی عدم ادائیگی کی وجہ سے ملازمین کے گھروں میں نوبت فاقہ کشی تک جا پہنچی ہے اور ملازمین شدید پریشانی میں مبتلا ہیں انہوں نے مطالبہ کیا کہ کانٹریکٹ اور ڈیلی ویجز ملازمین کو فوری تنخواہ ادا کرتے ہوئے بحال کئے جانے والے ملازمین کو عدالتی احکامات پر جوائنگ آرڈر دیئے جائیں بصورت دیگر متعلقہ محکمے کے افسران کے خلاف اسلام آباد ڈی چوک پر دھرنا دیا جائیگا جس کی تمام تر ذمہ داری انتظامیہ پر عائد ہو گی ، واضع رہے کہ کانٹریکٹ اور ڈیلی ویجز ملازمین کو تنخواہ ادا نہ کرنے کے خلاف برطرفی کے بعد بحال کئے جانے والے ملازمین کو جوائنگ آرڈر نہ دینے پر سندھ کے مختلف شہروں میں بھی یوٹلیٹی ملازمین کا احتجاجی سلسلہ جاری ہے۔