بھارت میں ایشیا ہاکی کپ کیلئے پاکستانی ٹیم کو خطرے میں نہیں ڈالیں گے، رانا مشہود

جمعرات 10 جولائی 2025 20:55

اسلام آباد (اُردو پوائنٹ اخبارتازہ ترین - این این آئی۔ 10 جولائی2025ء)چیئریوتھ پروگرام رانا مشہود نے کہا ہے کہ ایشیا کپ ہاکی بھارت میں ہونا ہے، سیکیورٹی صورتحال کا جائزہ لیں گے، مطمئن نہ ہوئے تو پاکستان ٹیم کو خطرے میں نہیں ڈالیں گے۔

(جاری ہے)

نجی ٹی وی سے گفتگو میں رانا مشہود نے کہا کہ آپریشن سندور میں بھارت کی ناکامی کی طرح ہاکی ٹیم بھی چاہتی ہے کہ بھارت کو بھارت میں ہرائے۔واضح رہے کہ ایشیا کپ ہاکی 27اگست سے بھارت میں شروع ہوگا، بھارتی انتہا پسند تنظیم آر ایس ایس کے مختلف سوشل میڈیا اکائونٹس سے پاکستان ہاکی ٹیم کوکھلم کھلا دھمکیاں دی گئی ہیں۔