بجلی کے ایک سے زائد سنگل میٹر رکھنے والوں کیخلاف کریک ڈائون کا حتمی فیصلہ

پاور پلاننگ مانیٹرنگ کمپنی کی جانب سے ریکارڈ طلب کرنے کا نوٹیفکیشن جاری

جمعہ 11 جولائی 2025 14:30

لاہور (اُردو پوائنٹ اخبارتازہ ترین - این این آئی۔ 11 جولائی2025ء) بجلی کے ایک سے زائد سنگل میٹرز کے خلاف باضابطہ کارروائی کرنے کا حتمی فیصلہ کر لیا گیا،پاور پلاننگ مانیٹرنگ کمپنی کی جانب سے ریکارڈ طلب کرنے کا نوٹیفکیشن جاری کر دیا۔

(جاری ہے)

تفصیلات کے مطابق پی پی ایم سی نے لیسکو و دیگر تقسیم کار کمپنیوں سے میٹرز کا ریکارڈ طلب کر لیا،پاور پلاننگ مانیٹرنگ کمپنی کی جانب سی14جولائی تک تمام کمپنیوں سے ریکارڈ طلب کرنے کا نوٹیفکیشن جاری کر دیا،کمپنیوں کی جانب سے نصب میٹرز کی تعداد اورصارفین کا ریکارڈ مرتب کیا جائے گا ،ریکارڈ کے تحت وفاقی حکومت مزید کارروائی کرنے کا فیصلہ کرے گی۔

پڑتال کے ذریعے زیادہ میٹرز پروٹیکٹو کیٹیگری کے لئے نصب کرنے کی نشاندہی ہوگی،پروٹیکٹیڈ کیٹیگری کے لئے نصب میٹرز پر نیپرا قوانین کے تحت کارروائی کی جا سکے گی،نیپرا قوانین کے تحت نصب میٹرز پر کسی قسم کی کارروائی نہیں کی جا سکے گی،قوانین کی خلاف ورزی پر صارفین کے خلاف حکومتی فیصلے کی روشنی میں کارروائی ہو گی۔