Live Updates

پارلیمانی سیکرٹری اطلاعات و ثقافت پنجاب شازیہ رضوان کا اسلام آباد چیمبر آف کامرس کا دورہ

ہفتہ 12 جولائی 2025 23:07

راولپنڈی (اُردو پوائنٹ اخبارتازہ ترین - اے پی پی۔ 12 جولائی2025ء) پارلیمانی سیکرٹری اطلاعات و ثقافت پنجاب شازیہ رضوان نے اسلام آباد چیمبر آف کامرس کا دورے کرکے چیمبر کے وفد سے ملاقات کی۔ملاقات میں وفد نے شازیہ رضوان کوچیمبر کے حوالے سے بریفنگ دی۔پارلیمانی سیکرٹری نے کہا کہ وزیر اعلیٰ پنجاب مریم نواز شریف ملک کی تعمیر و ترقی کیلئے انتھک محنت کررہی ہیں جوکہ نظر آرہی ہے، کئی ترقیاتی منصوبے شروع کئے ہیں۔

(جاری ہے)

ترقیاتی منصوبے نہ صرف حکومت کی کارکردگی کا آئینہ ہوتے ہیں بلکہ عوام کو سہولیات فراہم کرنے میں کلیدی کردار ادا کرتے ہیں۔ انہوں نے کہا کہ وزیراعلیٰ پنجاب نے نہ صرف ترقیاتی منصوبوں کیلئے بجٹ مختص کیا ہے بلکہ منصوبوں کی نگرانی کا عمل خود مانیٹر کر رہی ہیں۔انہوں نے کہا کہ راولپنڈی میں انڈر پاسز اور اوور ہیڈ پل بننے سے ٹریفک کے بہاؤں میں روانی آ گئی ہے اور عوام کا قیمتی وقت جو سفر میں ضائع ہوجاتا تھا اب وہ بروقت اپنی منزل مقصود پر پہنچ سکتے ہیں۔ انہوں نے چیمبر آف کامرس میں آرٹ گیلری میں رکھی گئی تصاویر دیکھیں اور انہیں سراہا۔