کراچی،لیاقت آباد انڈرپاس میں مال برادر ٹرک بریک فیل ہوجانے پر متعدد گاڑیوں پر چڑھ دوڑا

ہفتہ 12 جولائی 2025 20:40

کراچی(اُردو پوائنٹ اخبارتازہ ترین - این این آئی۔ 12 جولائی2025ء)لیاقت آباد انڈرپاس میں مال برادر ٹرک بریک فیل ہوجانے پر متعدد گاڑیوں پر چڑھ دوڑا، موٹرسائیکل اور کئی گاڑیوں کو نقصان پہنچا۔

(جاری ہے)

پولیس نے بتایا کہ لیاقت آباد انڈرپاس میں ٹریفک حادثہ رونما ہوا ہے تاہم کوئی جانی نقصان نہیں ہوا، مال برادر ٹرک بریک فیل ہوجانے پر متعدد گاڑیوں پر چڑھ دوڑا، حادثے میں موٹر سائیکلیں اور متعددگاڑیاں متاثر ہوئیں۔حکام نے بتایا کہ پولیس نے ٹرک کو تحویل میں لے لیا ہے جبکہ ڈرائیور بھی زیرحراست ہے، مال بردار ٹرک سائٹ ایریا کی جانب سے آرہا تھا۔پولیس حکام نے کہا کہ حادثے کے بعد مشتعل ہجوم نے ٹرک کو آگ لگانے کی کوشش کی، پولیس اور رینجرز نے پہنچ کر صورتحال کو کنٹرول کرلیا۔