سعودی ایئرلائن فلائے اے ڈیل کا بڑا اعلان: پاکستان کے چار شہروں کے لیے براہِ راست پروازیں شروع

ْپر ہفتہ وار 2 سے 3 پروازیں چلائی جائیں گی، تمام پروازیں جدید Airbus A320 طیاروں پر کی جائیں گی

اتوار 13 جولائی 2025 19:40

ریاض (اُردو پوائنٹ اخبارتازہ ترین - این این آئی۔ 13 جولائی2025ء)سعودی عرب کی ایئرلائن Flyadeal نے پاکستان کے لیے چار نئے فضائی راستوں کا اعلان کر دیا ہے، جو اگست کے آخر میں فعال ہو جائیں گے،یہ اعلان Flyadeal کی پاکستان میں تیزی سے بڑھتی ہوئی موجودگی کی علامت ہے،24 سے 26 اگست کے درمیان شروع ہونے والی ان پروازوں کے تحت ریاض سے اسلام آباد،ریاض سے پشاور،ریاض سے سیالکوٹ،دمام سے کراچی شامل ہیں پر ہفتہ وار 2 سے 3 پروازیں چلائی جائیں گی۔

تمام پروازیں جدید Airbus A320 طیاروں پر کی جائیں گی۔

(جاری ہے)

قابلِ ذکر بات یہ ہے کہ ریاض سے سیالکوٹ کا راستہ اس وقت کسی بھی ایئرلائن کی طرف سے براہ راست فراہم نہیں کیا جا رہا، کیونکہ PIA نے پچھلے سال یہ سروس بند کر دی تھی۔ اب Flyadeal وہ واحد ایئرلائن ہو گی جو اس براہ راست فضائی رابطے کو بحال کر رہی ہے۔پاکستان سعودی عرب کے لیے ایک تیزی سے بڑھتی ہوئی ایوی ایشن مارکیٹ بن چکا ہے۔ صرف 2024 میں 59 لاکھ مسافر دونوں ممالک کے درمیان سفر کر چکے ہیں، اور ہر سال نشستوں کی تعداد میں بھی اضافہ ہو رہا ہے۔Flyadeal نے فروری 2025 میں جدہ اور ریاض سے کراچی کے لیے پروازوں کے ذریعے پاکستانی مارکیٹ میں قدم رکھا تھا، اور اب نئے راستوں کے اضافے کے ساتھ اس کی خدمات میں دو گنا اضافہ ہو جائے گا۔