سرینگر، ضلع گاندربل میں ٹریفک حادثے میں بھارتی پیراملٹری سی آر پی ایف کے 3 اہلکار زخمی

پیر 14 جولائی 2025 11:55

سرینگر (اُردو پوائنٹ اخبارتازہ ترین - اے پی پی۔ 14 جولائی2025ء) بھارت کے غیرقانونی زیر تسلط جموں وکشمیرکے ضلع گاندربل میں ٹریفک حادثے میں بھارتی پیراملٹری سینٹرل ریزرو پولیس فورس (سی آر پی ایف)کے 3 اہلکار زخمی ہوگئے۔

(جاری ہے)

کشمیر میڈیا سروس کے مطابق سی آر پی ایف اہلکار ضلع گاندربل میں زیڈ موڑ ٹنل کے قریب گاڑی الٹنے سے زخمی ہو گئے۔ایک پولیس افسر نے بتایا کہ امرناتھ یاترا کی ڈیوٹی کے لیے تعینات 44بٹالین سی آر پی ایف کی گاڑی ٹنل کے قریب الٹ گئی جس کے نتیجے میں 3 اہلکارزخمی ہوگئے جنہیں پرائمری ہیلتھ سینٹر کلاں میں ابتدائی طبی امداد فراہم کی گئی اور ان کی حالت خطرے سے باہر بتائی جاتی ہے۔