صدر آزاد کشمیر کی سینٹرل پریس کلب مظفرآباد کے نومنتخب عہدیداران کو مبارکباد

پیر 14 جولائی 2025 15:42

اسلام آباد (اُردو پوائنٹ اخبارتازہ ترین - اے پی پی۔ 14 جولائی2025ء) صدر آزاد کشمیر بیرسٹر سلطان محمود چوہدری نے سینٹرل پریس کلب مظفرآباد کے نومنتخب صدر سجاد میر اور دیگر نومنتخب عہدیداران کو مبارک باد دی ہے۔پیر کو یہاں جاری بیان کے مطابق صدر آزاد کشمیر نے کہا کہ سینٹرل پریس کلب مظفرآباد شاندار روایات کا امین رہا ہے اور ہمیشہ سینٹرل پریس کلب مظفرآباد نے آزادکشمیر کے عوام کے مسائل اور ان کے حل کی بات کی ہے اور بھارت کے غیر قانونی زیر تسلط جموں و کشمیر میں جاری بھارتی مظالم کو اجاگر کرنے میں بھی اہم کردار ادا کیا ہے۔

بیرسٹر سلطان محمود چوہدری نے اس امید کا اظہار کیا کہ آئندہ بھی نو منتخب عہدیداران آزادکشمیر کے عوام کے مسائل کو اجاگر کرنے کے لئے اپنا مثبت کردار ادا کریں گے اور اس کے ساتھ ساتھ ملکی اور بین الاقوامی سطح پر مسئلہ کشمیر کے حل اور کشمیریوں پر بھارتی مظالم کے خلاف اپنا بھرپور کردار ادا کریں گے۔

(جاری ہے)

انہوں نے کہا کہ میں امید کرتا ہوں کہ نو منتخب عہدیداران صحافتی اقدار کی سربلندی کیلئے اپنامثبت کردار ادا کریں گے۔

صدر آزاد کشمیر نے نومنتخب صدر سجاد ، سینئر نائب صدر نصیر انور،نائب صدر تنویر تنولی، ایڈیشنل جنرل سیکرٹری راجہ خالد،جوائنٹ سیکرٹری شاہ زیب افضل، سیکرٹری مالیات انصر صدیق خواجہ،سیکرٹری اطلاعات میر بشارت،سیکرٹری اشفاق حسین شاہ اور جملہ نومنتخب عہدیداران کو ان کی کامیابی پر مبارکباد دی ہے۔ انہوں نے سینٹرل پریس کلب مظفرآباد کی مجلس عاملہ کے نومنتخب عہدیداران طارق نقاش، سرفراز خواجہ، اسلم میر،عارف عرفی،غلام رضا کاظمی،عباس گردیزی، فاروق مغل کو بھی مبارکباد دی۔