Live Updates

پی ڈی ایم اے کی جانب سے خیبرپختونخوا میں بارشوں اور ممکنہ سیلاب کا الرٹ جاری کردیا گیا

پیر 14 جولائی 2025 17:32

پشاور (اُردو پوائنٹ اخبارتازہ ترین - اے پی پی۔ 14 جولائی2025ء) پی ڈی ایم اے کی جانب سے خیبرپختونخوا میں بارشوں اور ممکنہ سیلاب کا الرٹ جاری کردیا گیا۔صوبائی ڈیزاسٹر مینجمنٹ اتھارٹی کی جانب سے جاری الرٹ کے مطابق خیبر پختونخوا کے مختلف علاقوں میں موسلادھار بارش سے دریاؤں اور ندی نالوں میں سیلاب کا خدشہ ہے ۔

(جاری ہے)

رپورٹ میں مزید بتایا گیا ہے کہ شہروں میں اربن فلڈنگ اور بالائی علاقوں میں لینڈ سلائیڈنگ کا خدشہ ہے۔پی ڈی ایم اے کے مطابق آندھی اور ژالہ باری کے باعث بجلی کے نظام کو نقصان پہنچ سکتا ہے جس کے سبب ضلعی انتظامیہ کوالرٹ رہنے اور پیشگی اقدامات کرنے کے لیے ہدایات جاری کردی گئی ہیں۔پی ڈی ایم اے کے مطابق بارشوں کا سلسلہ 17 جولائی تک جاری رہنے کا امکان ہے۔