Live Updates

فرانس کا دفاعی اخراجات بڑھانے کا اعلان

دنیا میں آزاد رہنے کے لیے آپ کا طاقتور ہونا ضروری ہے،صدرمیکرون

پیر 14 جولائی 2025 23:00

پیرس (اُردو پوائنٹ اخبارتازہ ترین - این این آئی۔ 14 جولائی2025ء)فرانسیسی صدر میکرون نے فرانس کے دفاعی اخراجات بڑھانے کے منصوبے کا اعلان کر دیا۔صدر میکرون نے طے شدہ 2030 کے منصوبے سے تین سال قبل ہی 2027 تک دفاعی اخراجات دگنے کرنے کے عزم کا اظہار کیا۔انہوں نے کہا کہ 2017 میں فوجی بجٹ 32 ارب یورو تھا جو 2027 تک بڑھا کر 64 ارب یورو کر دیا جائے گا۔

(جاری ہے)

صدر میکرون نے عالمی منظرنامے کو بیان کرتے ہوئے دفاعی اخراجات بڑھانے کی ضرورت پر زور دیا، صدر میکرون نے عالمی منظرنامے میں پاکستان بھارت جنگ کا بھی ذکر کیا۔

پاک بھارت جنگ کو حالیہ دہائیوں کی سب سے شدید فضائی لڑائیوں میں شامل کیا۔صدر میکرون کا کہنا تھا کہ گزشتہ چند مہینوں میں ہم نے ایران پر بمباری، بھارت اور پاکستان کے درمیان جھڑپیں دیکھیں۔ جن میں حالیہ دہائیوں کی شاید سب سے شدید فضائی لڑائی شامل ہے، یوکرین جنگ سمیت بڑے تنازعات کے پھیلاو کا مشاہدہ کیا۔انہوں نے مزید کہا کہ دنیا میں آزاد رہنے کے لیے آپ کا طاقتور ہونا ضروری ہے اور اس کے لیے قوم کو مضبوط ہونا پڑے گا۔