وزیرصحت خواجہ سلمان رفیق فولو اپ دورہ کرنے جناح ہسپتال پہنچ گئے،غفلت برتنے پر اے ایم ایس ہسپتال معطل

مریضوں کی آسانی کیلئے پرچی کاؤنٹرزبڑھانے، کیو مینجمنٹ سسٹم اور ون پیشنٹ ون اٹینڈنٹ کے اصول کو یقینی بنانے کی ہدایت

منگل 15 جولائی 2025 16:48

وزیرصحت خواجہ سلمان رفیق فولو اپ دورہ کرنے جناح ہسپتال پہنچ گئے،غفلت ..

لاہور (اُردو پوائنٹ اخبارتازہ ترین - این این آئی۔ 15 جولائی2025ء)صوبائی وزیرصحت خواجہ سلمان رفیق نے فولو اپ دورہ کرنے جناح ہسپتال لاہور پہنچ گئے۔اس موقع پر سپیشل سیکرٹری آپریشنز محکمہ سپیشلائزڈ ہیلتھ کیئر اینڈ میڈیکل ایجوکیشن طارق محمود رحمانی اور چیئرمین وزیر اعلی پنجاب ایڈوائزری کمیٹی برائے امراض قلب ڈاکٹر فرقد عالمگیر بھی ہمراہ تھے۔

صوبائی وزیر صحت نے مریضوں کی آسانی کیلئے پرچی کاؤنٹرزبڑھانے، کیو مینجمنٹ سسٹم اور ون پیشنٹ ون اٹینڈنٹ کے اصول کو یقینی بنانے کی ہدایت کی ۔دورہ کے دوران صوبائی وزیرصحت خواجہ سلمان رفیق نے غفلت برتنے پر اے ایم ایس جناح ہسپتال کو معطل کر دیا۔صوبائی وزیر نے مختلف وارڈزکادورہ کیا اور صفائی ستھرائی کو یقینی بنانے کی ہدایت کی۔

(جاری ہے)

اس موقع پر پرنسپل علامہ اقبال میڈیکل کالج پروفیسر طیبہ وسیم اور ایم ایس جناح ہسپتال ڈاکٹرسیدمحسن علی شاہ بھی موجود تھے۔

صوبائی وزیرنے مریضوں سے ملاقات کی اور طبی سہولیات کے معیار بارے دریافت کیا۔بعدازاں صوبائی وزیر صحت نے ایمرجنسی،گائنی ایمرجنسی،ریڈیالوجی ڈیپارٹمنٹ،الٹراساؤنڈ،او پی ڈی ودیگرکاؤنٹرزکا بھی دورہ کیا۔صوبائی وزیرصحت خواجہ سلمان رفیق نے کہاکہ وزیراعلیٰ پنجاب مریم نواز شریف کے ویڑن کے مطابق سرکاری ہسپتالوں میں مریضوں کیلئے آسانیاں پیداکرنے کیلئے کوشاں ہیں۔

ہسپتالوں میں بہترین طبی سہولیات کی بلا تعطل فراہمی کیلئے مریضوں کے ہمراہ صرف ایک ہی اٹینڈنٹ کی اجازت ہے۔ خواجہ سلمان رفیق نے کہاکہ ہسپتالوں میں ادویات کی فراہمی کو یقینی بنایاجارہاہے۔ہسپتالوں میں مریضوں کا بہترین علاج و معالجہ اولین ترجیح ہے۔مریضوں کے علاج و معالجہ میں کسی قسم کی غفلت ناقابل برداشت ہے۔انہوں نے کہاکہ حکومت پنجاب صحت کے شعبہ میں بہتری کیلئے تاریخی اور انقلابی اقدامات اٹھارہی ہے۔حکومت عوام کو ان کے گھر کی دہلیز پر صحت کی بہترین سہولیات فراہم کرنے کیلئے پر عزم ہے۔