جمشید دستی کے کیس کا فیصلہ ہائر فورم پر چیلنج کیا جائے گا، زرتاج گل وزیر

منگل 15 جولائی 2025 22:15

ڈی جی خان(اُردو پوائنٹ اخبارتازہ ترین - این این آئی۔ 15 جولائی2025ء)پی ٹی آئی کی پارلیمانی لیڈر زرتاج گل وزیر نے جمشید دستی سے متعلق فیصلے پر ردعمل کا اظہار کرتے ہوئے کہاہے کہ جمشید دستی کے کیس کا فیصلہ ہائر فورم پر چیلنج کیا جائے گا۔

(جاری ہے)

جاری بیان میں زرتاج گل نے کہاکہ جمشید دستی کی سیاست نے سرائیکی وسیب کے محروم طبقے میں نام پیدا کیا، انہوں نے بانی پی ٹی آئی سے وفا نبھائی۔زرتاج گل نے کہا کہ جمشید دستی مضبوط اعصاب کے مالک ہیں، انہیں ہائر فورم سے انصاف ملنے کی توقع کرتے ہیں۔واضح رہے کہ الیکشن کمیشن آف پاکستان نے رکن قومی اسمبلی جمشید دستی کو نااہل قرار دے دیا ہے۔