ژ*انڈر 18 ایشیا ہاکی کپ کی رنر اپ پاکستان جونیئر ہاکی ٹیم وطن واپس پہنچ گئی

ق*ٹیم کی آمد پر علامہ اقبال انٹرنیشنل ایئرپورٹ لاہور پر شاندار استقبال کیا گیا

منگل 15 جولائی 2025 22:50

C لاہور(اُردو پوائنٹ اخبارتازہ ترین - آن لائن۔ 15 جولائی2025ء)انڈر 18 ایشیا ہاکی کپ کی رنر اپ پاکستان جونیئر ہاکی ٹیم وطن واپس پہنچ گئی۔ ٹیم کی آمد پر علامہ اقبال انٹرنیشنل ایئرپورٹ لاہور پر شاندار استقبال کیا گیا۔ایئرپورٹ پر ہاکی فیڈریشن کے عہدیداران، کوچنگ اسٹاف، کھلاڑیوں کے اہلخانہ اور شائقین کی بڑی تعداد موجود تھی، جنہوں نے کھلاڑیوں پر پھول نچھاور کیے اور ان کی محنت اور شاندار کارکردگی کو بھرپور انداز میں سراہا۔

(جاری ہے)

پاکستانی ٹیم نے ٹورنامنٹ میں عمدہ کھیل پیش کرتے ہوئے فائنل تک رسائی حاصل کی، تاہم فیصلہ کن مقابلے میں جاپان کے ہاتھوں شکست کا سامنا کرنا پڑا۔ فائنل میں پاکستانی نوجوانوں نے زبردست مزاحمت کی، مگر جاپانی ٹیم نے اختتامی لمحات میں برتری حاصل کر لی۔ہیڈ کوچ نے میڈیا سے گفتگو میں کہا کہ کھلاڑیوں نے توقعات سے بڑھ کر کارکردگی دکھائی، اور یہ ٹیم مستقبل میں سینئر سطح پر پاکستان کا نام مزید روشن کرے گی۔پاکستان ہاکی فیڈریشن نے کھلاڑیوں کی حوصلہ افزائی کے لیے خصوصی انعامات کا اعلان کیا ہے، جب کہ شائقینِ ہاکی اس کارکردگی کو نوجوانوں کے عروج کی نوید قرار دے رہے ہیں۔