پشاور میں خواجہ سرا کو فائرنگ کرکے زخمی کردیا گیا

چند روز کے دوران خواجہ سراؤں پر یہ چوتھا حملہ ہے، رپورٹ

جمعرات 17 جولائی 2025 18:00

پشاور میں خواجہ سرا کو فائرنگ کرکے زخمی کردیا گیا

پشاور (اُردو پوائنٹ اخبارتازہ ترین - این این آئی۔ 17 جولائی2025ء)پشاور میں تھانہ کوتوالی کی حدود میں فائرنگ کا واقعہ پیش آیا ہے جس میں ایک خواجہ سرا کو زخمی کردیا گیا۔پولیس ذرائع کے مطابق زخمی ہونے والے خواجہ سرا کا نام برفی ہے، جسے تھانہ کوتوالی کی حدود میں نشانہ بنایا گیا۔

(جاری ہے)

خواجہ سرا کو زخمی حالت میں لیڈی ریڈنگ اسپتال منتقل کیا گیا ہے جبکہ پولیس نے دو ملزمان کے خلاف مقدمہ درج کرلیا ہے۔

خواجہ سرا ایسوسی ایشن کے صدر فرزانہ نے بتایا کہ چند روز کے دوران خواجہ سراؤں پر یہ چوتھا حملہ ہے، جبکہ گزشتہ ہفتے بھی ایک خواجہ سرا کو قتل بھی کیا گیا تھا۔ فرزانہ نے بتایا کہ خیبرپختونخوا میں اب تک 60 سے زائد خواجہ سرا قتل کیے جاچکے ہیں۔ صوبائی حکومت خواجہ سراؤں کے تحفظ کیلئے اقدامات کرے۔