شیعہ علماء کونسل کے مرکزی سیکرٹری جنرل علامہ شبیر حسن میثمی کی وفاقی وزیر مذہبی امور سردار محمد یوسف سے ملاقات

زائرین کے مسائل باہمی روابط سے حل کیے جائیں گے جبکہ وطن عزیز میں قیام امن کے لیے ملک بھر مذہبی رواداری کو فروغ دیا جائے گا، سردار محمد یوسف

جمعہ 18 جولائی 2025 21:20

کراچی(اُردو پوائنٹ اخبارتازہ ترین - این این آئی۔ 18 جولائی2025ء)شیعہ علماء کونسل پاکستان کے مرکزی سیکرٹری جنرل علامہ شبیر حسن میثمی اور مرکزی سیکرٹری اطلاعات زاہد علی آخونزادہ نے وفاقی وزیر مذہبی امور سردار محمد یوسف سے ملاقات کی اس موقع پر مشیر مذہبی امور بھی موجود تھے ملاقات میں محرم الحرام اور آئندہ ایام عزاء کے حوالے سے مختلف امور پر گفتگو ہوئی جبکہ زائرین کے مسائل پر بھی تبادلہ خیال ہوا ملاقات میں زائرین کے بعض تیکنیکی امور کی انجام دہی کے باہمی ورکنگ پر اتفاق کیا گیا اور ملک میں امن و امان کے قیام اور مذہبی آہنگی کے فروغ کے لیے باہمی کاوشوں کی ضرورت پر بھی زور دیا گیا وفاقی وزیر مذہبی امور سردار محمد یوسف نے یقین دلایا کہ زائرین کے مسائل باہمی روابط سے حل کیے جائیں گے جبکہ وطن عزیز میں قیام امن کے لیے ملک بھر مذہبی رواداری کو فروغ دیا جائے گا۔