امریکا کے ساتھ تجارت اور سرمایہ کاری کو بڑھانا چاہتے ‘وزیر خزانہ محمد اونگزیب

ہفتہ 19 جولائی 2025 13:43

واشنگٹن (اُردو پوائنٹ اخبارتازہ ترین - این این آئی۔ 19 جولائی2025ء)وفاقی وزیر خزانہ محمد اورنگزیب نے کہاہے کہ امریکا کے ساتھ تجارت اور سرمایہ کاری کو بڑھانا چاہتے ہیں۔محمد اورنگزیب واشنگٹن میں امریکی حکام سے ملاقات کے معاملے پر میڈیا سے گفتگو کرتے ہوئے کہا کہ امریکا پاکستان کا سب سے بڑا تجارتی شراکت دار ہے۔انہوں نے کہا کہ پاکستان اور امریکا کے درمیان کچھ امور پر بات چیت ہونا باقی ہے، بہت جلد پاکستان امریکا کی قیادت اس کا اعلان کرے گی۔

(جاری ہے)

انہوںنے کہاکہ اُمید ہے تجارتی مذاکرات تعمیری انداز میں آگے بڑھیں گے۔واضح رہے کہ امریکا کے دورے پر گئے وزیرِ خزانہ محمد اورنگزیب نے اپنی سربراہی میں پاکستانی وفد کے ہمراہ امریکی ہم منصب ہاورڈ لٹنک اور امریکی تجارتی نمائندے جیمیسن گریئر سے ملاقات کی تھی۔ملاقات میں مستحکم اور جامع پاک امریکا تجارتی تعلقات اور سرمایہ کاری میں فروغ کے عزم کا اعادہ کیا گیا۔وزیرِ خزانہ محمد اورنگزیب کی امریکی ہم منصب سے ملاقات میں تجارت اور معاشی تعلقات کو مزید وسعت دینے سے متعلق پیش رفت پر اطمینان کا اظہار کیا گیا۔