اختیارات، وسائل کی تقسیم ہوگی تو برابری کی بنیاد پر ہوگی، کامران ٹیسوری

ہفتہ 19 جولائی 2025 17:44

کراچی (اُردو پوائنٹ اخبارتازہ ترین - این این آئی۔ 19 جولائی2025ء)گورنر سندھ کامران ٹیسوری نے کہا ہے کہ آج معاشرے میں ماں یہ تو چاہتی ہے کہ اس کی بیٹی سب کچھ کرے، لیکن یہ نہیں چاہتی کہ اس کی بہو اسی طرح معاشرے میں اپنا کردار ادا کرے۔

(جاری ہے)

انہوں نے کراچی میں منعقدہ تقریب سے خطاب کرتے ہوئے کہا کہ ماؤں کو فیصلہ کرنا پڑے گا اور بہوؤں کو بیٹی کی نظر سے معاشرے کا حصہ بنانا ہوگا۔انہوںنے کہا کہ بچے پالنا میاں بیوی دونوں کا کام ہے، معاشرے میں سر اٹھا کر جینا ہے تو دونوں کو جینا ہے، اگر اختیارات، وسائل کی تقسیم ہوگی تو برابری کی بنیاد پر ہوگی۔گورنر سندھ کہا کہ کبھی منفی سوچ نہ رکھیں، زندگی میں ہمیشہ مثبت سوچیں۔ آپ لوگوں نے مایوسی کا شکار نہیں ہونا۔