ج*پاکستان نے ایک سال کے دوران 1065 ارب روپے کے کوکنگ آئل درآمد کرلئے

ک*پام آئل کا درآمدی حجم 3 ارب 39 کروڑ 33 لاکھ ڈالر ریکارڈ کیا گیا،سرکاری دستاویز

اتوار 20 جولائی 2025 19:50

| اسلام آباد(اُردو پوائنٹ اخبارتازہ ترین - آن لائن۔ 20 جولائی2025ء)پاکستان نے ایک سال کے دوران 1065 ارب روپے کے کوکنگ آئل درآمد کرلئے ، پام آئل کا درآمدی حجم 3 ارب 39 کروڑ 33 لاکھ ڈالر ریکارڈ کیا گیا ۔ سرکاری دستاویز کے مطابق مالی سال 2024-25 میں 967 ارب روپے کا پام آئل درآمد کر لیا گیا ایک سال میں 98 ارب روپے کا سویا بین آئل درآمد کیا گیا۔

(جاری ہے)

دستاویز میں کہا گیا کہ سال 2024-25 میں 32 لاکھ 13 ہزار میٹرک ٹن پام آئل درآمد کیا گیا ایک سال میں پام آئل کا درآمدی حجم 3 ارب 39 کروڑ 33 لاکھ ڈالر ریکارڈ کیا گیا الی سال 2024-25 میں پام آئل کی درآمدات میں 22.13 فیصد اضافہ ریکارڈ ہوا ۔

دستاویز میں مزید کہا گیا کہ مالی سال 2023-24 میں پام آئل کی درآمدات 2 ارب 77 کروڑ 85 لاکھ ڈالر تھیں گزشتہ مالی سال میں سویا بین آئل کی درآمدات میں 165.43 فیصد کا بڑا اضافہ مالی سال 2024-25 میں 3 لاکھ 21 ہزار میٹرک ٹن سویا بین آئل امپورٹ کیا گیا ایک سال میں سویا بین آئل کا درآمدی حجم 34 کروڑ 38 لاکھ ڈالر سے زائد رہا جون میں سویا بین آئل کی درآمدات میں 196.41 فیصد اضافہ ریکارڈ جبکہ ایک ماہ میں 20 ہزار 302 ٹن سویا بین آئل امپورٹ کیا گیا۔