بھارت کا فراڈ کلچر عالمی وبا کی شکل اختیار کرگیا،نیویارک میں بھارتی نجومی فراڈ کرتے ہوئے رنگے ہاتھوں گرفتار

پیر 21 جولائی 2025 22:30

نیویارک (اُردو پوائنٹ اخبارتازہ ترین - اے پی پی۔ 21 جولائی2025ء) بھارت کا فراڈ کلچر اب صرف داخلی مسئلہ نہیں رہا بلکہ ایک عالمی وبا کی شکل اختیار کر چکا ہے، نیویارک میں بھارتی نجومی کو فراڈ کرتے ہوئے رنگے ہاتھوں گرفتار کرلیا گیاہے۔ کشمیر میڈیا سروس کے مطابق یوگا اور بالی ووڈ کے پردے میں چھپا مودی کا بھارت، درحقیقت جعلسازوں کا بین الاقوامی نیٹ ورک بن چکا ہے،وشوا گرو کا نعرہ لگانے والا بھارت اب مودی کی قیادت میں دنیا کا سب سے بڑا فریب گرو بن چکا ہے۔

جعلی عملیات اور جادو ٹونے کے ذریعے مالی فراڈ بھارتی نجومیوں کی پہچان بن چکی ہے۔امریکی خبر رساں ایجنسی سی بی ایس نیوز کے مطابق بھارتی شہری ہیمنتھ کمار منیپا نے جعلی روحانی عملیات اور جادو ٹونے کے نام پر 68سالہ امریکی خاتون سے 60ہزارڈالرز لوٹ لیے۔

(جاری ہے)

بھارتی نجومی نے نظر بدکے خاتمے، برکتوں کے حصول اور روحانی تحفظ کا جھانسا دیکر امریکی خاتون سے پیسے بٹورے۔

بھارتی نجومی نے دھوکا دہی کا آغاز 20ہزارڈالر سے کیا جس کے بعد مزید 42ہزار ڈالرز کا تقاضاکیا۔ جس کے بعد خاتون کو مزید روحانی خدمات کے لیے ساتھ براڈوے پر واقع انجنہ جی کے پاس دوبارہ بلایا گیا، وہاں منیپا نے خاتون سے مزید 42ہزارڈالر کا تقاضا کیا اور اسے براڈوے پر واقع ایک بینک لے جایا گیا تاکہ وہ رقم نکال سکے۔پولیس نے کارروائی اس وقت کی جب خاتون بینک سے رقم نکالنے گئی اور بینک عملے کو شک ہوا ، اسی دوران نیویارک پولیس نے جعلی نجومی ہیمنتھ کمار منیپا کو ہِکس وائل میں بینک کے باہر گرفتار کر لیا۔

سی بی نیوز کے مطابق نیویارک میں قانون کے تحت روحانی طاقتوں کے جھوٹے دعوے اور ان پر پیسے لینا غیر قانونی ہے۔یہ واقعہ ایک اور ثبوت ہے کہ دنیا کو یوگا اور شانتی کا درس دینے والا بھارت درحقیقت اندر سے دھوکا، فریب اور لوٹ مار کا گڑھ بن چکا ہے، مودی کا بھارت اب سافٹ پاور کے بجائے فراڈ پاور کے طور پر ابھر رہا ہے۔