فیصل کریم کنڈی سے صحافی احمد علی راجپوت کی ملاقات ،ڈیرہ اسماعیل خان میں ترقیاتی منصوبوں پرتبادلہ خیال

منگل 22 جولائی 2025 16:31

پشاور(اُردو پوائنٹ اخبارتازہ ترین - این این آئی۔ 22 جولائی2025ء)گورنر خیبر پختونخوا فیصل کریم کنڈی سے ڈیرہ اسماعیل خان کے صحافی احمد علی راجپوت نے گورنر ہاؤس میں ملاقات کی۔ملاقات میں ڈیرہ اسماعیل خان میں ترقیاتی منصوبوں بارے تبادلہ خیال کیا گیا۔فیصل کریم کنڈی نے کہا کہ ڈیرہ اسماعیل خان کے عوام کے مسائل کا حل ہمیشہ ان کی ترجیحات میں شامل رہا ہے۔

(جاری ہے)

انہوں نے کہا کہ چشمہ لیفٹ کینال ڈیرہ اسماعیل خان کے باسیوں کا دیرینہ مطالبہ تھا جس کے فوائد سے خیبر پختونخوا سمیت پاکستان مستفید ہوگا۔انہوںنے کہاکہ اس کے تعمیراتی کام کو چھ مختلف مراحل میں مکمل کیا جائے گا ،جس کا افتتاح چند ماہ بعد کر دیا جائے گا۔ انہوں نے کہا کہ ڈیرہ اسماعیل خان ڈیرہ غازی خان روڈ کو چار رویہ کرنے کے حوالے سے بھی پیشرفت جاری ہے ،اس منصوبے سے تحصیل پروا اور ملحقہ علاقہ جات کے باسیوں کو آمد و رفت میں بہترین سہولیات میسر ہوں گی جس کے علاقے میں کاروباری سرگرمیوں کو بھی فروغ حاصل ہوگا۔