Live Updates

کہوٹہ آزاد پتن روڈ ٹھنڈا پانی پر لینڈ سلائیڈنگ سے ٹریفک معطل

ریسکیو حکام کی کہوٹہ سفر کیلئے متبادل راستہ کوٹلی کہوٹہ روڈ استعمال کرنے کی ہدایت گوکند میں آسمانی بجلی گرنے سے 2خواتین جاں بحق، چھت گرنے سے تین بچے زندگی کی بازی ہارگئے

منگل 22 جولائی 2025 20:05

راولپنڈی(اُردو پوائنٹ اخبارتازہ ترین - این این آئی۔ 22 جولائی2025ء) کہوٹہ آزاد پتن روڈ ٹھنڈا پانی کے مقام پرلینڈ سلائیڈنگ سے ٹریفک معطل کردیا گیا۔ریسکیو حکام نے کہوٹہ سفر کیلئے متبادل راستہ کوٹلی کہوٹہ روڈ استعمال کرنے کی ہدایت کی ہے ،کہوٹہ آزاد پتن روڈ ٹھنڈا پانی پر روڈ کلیئرنس اور ٹریفک کی بحالی کا کام جاری ہے۔

(جاری ہے)

دوسری جانب چکوال میں ممکنہ طوفانی بارش کے پیش نظر ضلعی انتظامیہ نے الرٹ جاری کردیا جس کے تحت سرکاری اسکولوں کو عارضی پناہ گاہوں میں تبدیل کردیا گیا ہے ادھر بونیر، مالاکنڈ اور لوئر دیر میں بھی موسلادھار بارش ریکارڈ کی گئی، پیربابا خوڑ میں بارشوں سے سیلابی صورتحال ہوگئی جب کہ پیربابا پولیس اسٹیشن ، سواڑی 132 کے وی گرڈ اسٹیشن پر گلیوں اور دکانوں میں پانی داخل ہوگیا۔

گوکند میں آسمانی بجلی گرنے سے 2خواتین جاں بحق ہوگئیں، سوات کے علاقے مدین میں بارش سے مکان کی چھت گرگئی جس کے نتیجے میں 3 بچے جاں بحق ہوگئے، سوات میں ہی برساتی نالے میں ڈوب کر 2بچے جاں بحق ہوگئے۔