ون ڈے ٹیم رینکنگ ، پاکستان نے جنوبی افریقہ کو پیچھے چھوڑ دیا، صائم ایوب ٹاپ 10 ٹی ٹونٹی آل راؤنڈرز کی فہرست میں شامل

پاکستان اب 100 پوائنٹس کے ساتھ پانچویں نمبر پر ہے

ذیشان مہتاب جمعرات 11 ستمبر 2025 11:24

ون ڈے ٹیم رینکنگ ، پاکستان نے جنوبی افریقہ کو پیچھے چھوڑ دیا، صائم ایوب ..

لاہور (اردو پوائنٹ تازہ ترین اخبار ۔ 10 ستمبر 2025ء ) پروٹیز نے انگلینڈ کے خلاف تین میچوں کی ون ڈے سیریز 2-1 سے جیتنے کے باوجود آئی سی سی ون ڈے ٹیم رینکنگ میں پاکستان نے جنوبی افریقہ کو پیچھے چھوڑ دیا ہے۔

جنوبی افریقہ کے فائنل میچ میں 342 رنز کی عبرتناک شکست نے گرین شرٹس کو رینکنگ میں ان سے آگے نکلنے کا موقع دیا۔

پاکستان اب 100 پوائنٹس کے ساتھ پانچویں نمبر پر ہے اور جنوبی افریقہ 99 پوائنٹس کے ساتھ چھٹے نمبر پر ہے۔

گرین شرٹس چوتھی پوزیشن پر فائز سری لنکا سے بھی صرف تین پوائنٹس پیچھے ہیں۔

بھارت بدستور ٹاپ رینکنگ ون ڈے ٹیم ہے جس کے بعد نیوزی لینڈ دوسرے اور آسٹریلیا تیسرے نمبر پر ہے۔ افغانستان انگلینڈ کے اوپر ساتویں نمبر پر ہے جبکہ گرین لائنز آٹھویں، ویسٹ انڈیز نویں اور بنگلہ دیش دسویں نمبر پر ہے۔

(جاری ہے)

آئی سی سی ٹی ٹونٹی آل راؤنڈر رینکنگ میں پاکستان کے نوجوان ٹیلنٹ صائم ایوب ترقی کرتے ہوئے آسٹریلیا کے مارکس اسٹوئنس کے ساتھ پانچ درجے ترقی کرکے نویں نمبر پر پہنچ گئے ہیں۔

محمد نواز بھی پانچ درجے ترقی کر کے 153 پوائنٹس کے ساتھ 16 ویں نمبر پر ہیں جبکہ شاداب خان 113 پوائنٹس کے ساتھ پانچ درجے نیچے 28 ویں نمبر پر ہیں۔

فہیم اشرف 75 پوائنٹس کے ساتھ آٹھ درجے کھسک کر 54 ویں اور عباس آفریدی تین درجے گر کر 62 ویں نمبر پر ہیں۔

ٹی ٹونٹی کپتان سلمان علی آغا 6 درجے ترقی کر کے 77 ویں نمبر پر پہنچ گئے۔

ہندوستان کے ہاردک پانڈیا نمبر ایک ٹی ٹونٹی آل راؤنڈر کے طور پر سرفہرست مقام پر برقرار ہیں، اس کے بعد افغانستان کے محمد نبی دوسرے اور نیپال کے دیپیندر سنگھ ایری تیسرے نمبر پر ہیں۔

بلے بازی کے محاذ پر فخر زمان سہ ملکی ٹورنامنٹ میں 155 رنز بنانے کے بعد 9 درجے ترقی کر کے 68 ویں نمبر پر پہنچ گئے۔

کپتان سلمان علی آغا بھی دو درجے بہتری کے ساتھ 57ویں نمبر پر آ گئے۔ صائم ایوب (41)، حسن نواز (35) اور صاحبزادہ فرحان (73) سبھی کی رینکنگ میں کمی دیکھی گئی جب کہ بابر اعظم اور محمد رضوان نے ٹیم سے دور رہنے کے بعد آئی سی سی ٹی ٹونٹی رینکنگ میں اپنی تنزلی کا سفر جاری رکھا۔