9 مئی کے مقدمات کے جلد فیصلے سنائے جا رہے ہیں،ہماری 5 اگست احتجاج کی تیاریاں جاری ہیں،عالیہ حمزہ

اب ہم گلی محلے یونین کونسل لیول تک احتجاج کریں گے،مقصد پاکستان ،بانی کو باہر لانا ہے، میڈیا سے گفتگو

منگل 22 جولائی 2025 21:05

راولپنڈی (اُردو پوائنٹ اخبارتازہ ترین - این این آئی۔ 22 جولائی2025ء)چیف آرگنائزر پی ٹی آئی پنجاب عالیہ حمزہ نے کہا ہے کہ 9مئی مقدمات کی سماعت تیزی سے مکمل ہو رہی ہے، ہماری لیگل ٹیم نے اپنے دلائل سے کیس کو اڑا کر رکھ دیا ہے ،5اگست کے حوالے سے پنجاب بھر میں موبلائزیشن جاری ہے۔انسداد دہشتگردی عدالت میں پیشی کے بعد میڈیا سے گفتگو میں عالیہ حمزہ نے کہا کہ جج صاحب موجود نہیں تھے اس لئے اگلی تاریخ انیس اگست کی دی گئی ہے۔

ہم نے اپنی سفارشات بھی پارٹی قیادت کو بھجوا دی ہیں جو ہدایات آئیں گی اس پر عمل ہوگا۔

(جاری ہے)

چیف آرگنائزر پی ٹی آئی پنجاب عالیہ حمزہ نے کہا کہ ان عدالتوں کو یہ بات سوچنی چاہئے کہ یہ اپنی عزت و توقیر میں اضافہ کرنا چاہتے ہیں یا اس میں کمی چاہتے ہیں۔ انصاف کو بلڈوز کرکے تحریک انصاف کے رہنماں کو سزا دینے کی کوشش ہورہی ہے۔ چاہتی ہوں عدالتیں انصاف پر فیصلہ کریں۔انہوں نے کہا کہ پانچ اگست کی تیاریاں زور و شور سے جاری ہیں۔ اب تحریک گلی محلے میں پھیل گئی ہے ہم اب گلی محلے یونین کونسل لیول تک احتجاج کریں گے۔ ہم نے پاکستان کوبچانا ہے اور بانی کو باہر بھی لے کر آنا ہے۔ اب نظر آئے گا کہ پورے پنجاب میں ہر جگہ پی ٹی آئی کے جھنڈے اور بانی کی تصاویر ہوں گی۔