Live Updates

بھارت کو دنیا کی چوتھی بڑی معیشت بنانے کا مودی حکومت کا فریب بے نقاب، عوام بھوک اور قرض کے بوجھ تلے دبنے کے باعث خودکشی کرنے پر مجبور، کشمیر میڈیا سروس

منگل 22 جولائی 2025 21:10

نئی دہلی (اُردو پوائنٹ اخبارتازہ ترین - اے پی پی۔ 22 جولائی2025ء) بھارت میں مودی حکومت کا ملک کو دنیا کی چوتھی بڑی معیشت بنانے کا فریب بے نقاب ہوگیاجہاں عوام بھوک اور قرضوں کے بوجھ تلے دب کر خودکشی پر مجبور ہو رہے ہیں۔کشمیرمیڈیاسروس کے مطابق بھارتی وزیراعظم نریندر مودی کا ''سب کا ساتھ سب کا وکاس ''صرف اڈانی و امبانی کا وکاس ثابت ہو رہا ہے جبکہ عام بھارتی عوام غربت، مہنگائی اور پسماندگی کا شکار ہوتے جا رہے ہیں۔

مودی حکومت کے معاشی ترقی کے جھوٹے دعوئوں کو بھوک، قرض اور خودکشیوں کے بڑھتے ہوئے واقعات نے بے نقاب کر دیا ہے۔ قرض، بھوک اور معاشی ناہمواری نے عام بھارتی شہریوں کو اجتماعی خودکشی جیسے فیصلوں پر مجبور کر دیا ہے۔ تازہ خبروں کے مطابق مودی کی آبائی ریاست گجرات میں بھوک و قرض سے تنگ ایک خاندان نے اجتماعی خودکشی کرلی۔

(جاری ہے)

این ڈی ٹی وی کے مطابق 20جولائی کو گجرات کے ضلع احمد آباد میں میاں بیوی اور 3بچوں کی لاشیں گھر سے برآمد ہوئیں۔

والدین نے 2بیٹیوں اور ایک بیٹے کو زہر دے کر خودکشی کر لی۔رپورٹ میں بتایا گیا ہے کہ ویپل وگھیلا گھر کا واحد کفیل تھا جو آٹو رکشہ چلاتا تھا اور بھاری قرض کے بوجھ تلے دبا ہوا تھا۔ٹائمز آف انڈیا کی رپورٹ کے مطابق بھارت میں 3سال میں 1866خودکشیاں ہوئیں جن میں سے19فیصد مالی دبائو اور غربت کی وجہ سے تھیں۔ ویپل وگھیلا کی کہانی مودی کے فریب زدہ گجرات ماڈل کی خوفناک حقیقت کو بے نقاب کر رہی ہے۔

گجرات ماڈل کے نام پر مودی حکومت نے صرف غربت، قرض اور بے بسی پھیلائی ہے۔ گجرات میں بی جے پی کی ساتویں بار حکمرانی کے باوجود لوگ غربت اور قرض کے بوجھ تلے خودکشی پر مجبور ہیں۔جہاں سے مودی نے سیاست کا آغاز کیا، وہی گجرات آج بھی بھوک، قرض اور محرومی کی زندہ مثال ہے۔بھوک، قرض اور خودکشیاں گجرات کی بھیانک حقیقت ہیں۔ بھارت میں معاشی استحصال نے عوام کو ذہنی دبا ئواور موت کے دہانے پر لا کھڑا کیا ہے۔مودی حکومت کے معاشی ماڈل کی ناکامی کاثبوت بھارت بھر میں بڑھتے ہوئے خودکشی کے واقعات ہیں۔ بھارتی عوام کے لیے نہ روزگار ہے اورنہ قرض معافی کی کوئی گنجائش لیکن سرمایہ داروں کو اربوں روپے کی چھوٹ دی جا رہی ہے۔