Live Updates

کراچی میں صبح سویرے مختلف علاقوں میں رم جھم، موسم خوشگوارہوگیا

بدھ 23 جولائی 2025 12:57

کراچی(اُردو پوائنٹ اخبارتازہ ترین - این این آئی۔ 23 جولائی2025ء)شہر قائد کے مختلف علاقوں میں بدھ کی صبح سویرے ہونے والی رم جھم بارش سے موسم خوشگوار ہو گیا۔تفصیلات کے مطابق کراچی میں سمندری ہوائیں بحال ہونے کے بعد سے گزشتہ شام سے ہی بادلوں نے ڈیرے ڈال رکھے تھے تاہم صبح سویرے مختلف علاقوں میں بوندا باندی کے بعد موسم خوشگوار ہو گیا۔

(جاری ہے)

محکمہ موسمیات کے مطابق کراچی میں مطلع ابرآلود ہے، صبح سویرے لیاری، ماڑی پور روڈ، کلفٹن، بلدیہ میں وقفے وقفے سے بوندا باندی ہوئی ہے جس سے شہر میں گرمی کا زور ٹوٹ گیا ہے۔

محکمہ موسمیات نے کہاکہ شہر میں سمندری ہوائیں بحال ہیں اور آئندہ چند روز تک صبح و رات کے اوقات میں بوندا باندی کے امکان ہیں۔محکمہ موسمیات کے مطابق شہر کی ہوا میں نمی کا تناسب 66 فیصد ہونے سے موسم مرطوب ہے ۔