محض ڈیجیٹائزیشن کافی نہیں جامع نظام کی ضرورت ہے،وزیراعظم کی ایف بی آر میں جدید ڈیجیٹل ایکو سسٹم تشکیل دینے کی منظوری

شہباز شریف منصوبے کی تکمیل کیلئے بین الاقوامی شہرت یافتہ ماہرین کی خدمات حاصل کرنے کی بھی ہدایات ، یہ نظام اس حد تک مضبوط اور بااعتماد ہونا چاہیے کہ پوری ویلیو چین کی حقیقی وقت میں ڈیجیٹل نگرانی ممکن ہو سکے،وزیراعظم کا ایف بی آر اصلاحات کے جائزہ اجلاس سے خطاب

فیصل علوی ہفتہ 26 جولائی 2025 15:30

محض ڈیجیٹائزیشن کافی نہیں جامع نظام کی ضرورت ہے،وزیراعظم کی ایف بی ..

اسلام آباد(اردوپوائنٹ اخبار تازہ ترین۔26جولائی 2025)وزیراعظم شہباز شریف نے فیڈرل بورڈ آف ریونیو (ایف بی آر) میں جدید اور عالمی معیار کے ڈیجیٹل ایکو سسٹم کی تشکیل کی منظوری دیتے ہوئے اس منصوبے کی تکمیل کیلئے بین الاقوامی شہرت یافتہ ماہرین کی خدمات حاصل کرنے کی بھی ہدایات جاری کردیں، وزیراعظم شہباز کی زیر صدارت ایف بی آر اصلاحات پر جائزہ اجلاس ہوا جس میں وفاقی وزراء محمد اورنگزیب، احد چیمہ، بلال اظہر کیانی، چیئرمین ایف بی آر، مشرف زیدی سمیت معاشی ماہرین نے شرکت کی۔

اجلاس میں ایف بی آر ڈیٹا کو ایک مرکزی نظام سے جوڑنے اور پوری ویلیو چین کی ریئل ٹائم نگرانی کیلئے جدید ڈیجیٹل ایکو سسٹم پر بریفنگ دی گئی۔وزیراعظم نے کہا کہ ایف بی آر کی جاری اصلاحات کے باعث معیشت مثبت سمت میں گامزن ہے صرف نظام کو ڈیجیٹل بنانا کافی نہیں بلکہ ایک مکمل ڈیجیٹل ایکو سسٹم تشکیل دیا جائے تاکہ نظام مؤثر، شفاف اور جدید تقاضوں سے ہم آہنگ ہو۔

(جاری ہے)

وزیراعظم نے اس بات پر زور دیا کہ خام مال کی تیاری، درآمد، مصنوعات کی تیاری اور آخر میں صارف تک خریداری کے تمام مراحل کو ایک مربوط ڈیجیٹل سسٹم سے جوڑا جائے۔انہوں نے کہا کہ یہ نظام اس حد تک مضبوط اور بااعتماد ہونا چاہیے کہ پوری ویلیو چین کی حقیقی وقت میں ڈیجیٹل نگرانی ممکن ہو سکے۔ ٹیکس نیٹ کو بڑھانے اور غیر رسمی معیشت کو دستاویزی بنانے کے بغیر عام آدمی کیلئے ٹیکسوں میں کمی کا ہدف حاصل نہیں کیا جا سکتا۔

ان کاکہناتھاکہ اس نظام کے تحت جمع شدہ مرکزی ڈیٹا کو قومی سطح پر معاشی پالیسی سازی اور سٹریٹجک فیصلہ سازی میں استعمال کیا جائے۔ٹیکس نیٹ کو بڑھانے اور غیر رسمی معیشت کو دستاویزی بنانے کے بغیر عام آدمی کیلئے ٹیکسوں میں کمی کا ہدف حاصل نہیں کیا جا سکتا۔انہوں نے یہ بھی کہا کہ عالمی شہرت یافتہ ماہرین کی خدمات لینے کی ہدایت دیتے ہوئے کہا کہ اس ڈیجیٹل سسٹم کو اتنا مؤثر بنایا جائے کہ ویلیو چین کی مکمل نگرانی ممکن ہو۔اس نظام کواتنا مضبوط بنایا جائے پوری ویلیو چین کی حقیقی وقت میں ڈیجیٹل نگرانی ممکن ہو سکے۔