پاکستان میں پولیو کیسز میں تشویشناک اضافہ، سندھ اورکے پی میںمزید 3 کیسز رپورٹ

اتوار 27 جولائی 2025 14:00

کراچی(اُردو پوائنٹ اخبارتازہ ترین - این این آئی۔ 27 جولائی2025ء)پاکستان میں پولیو کیسز میں تیزی سے اضافہ ہو رہا ہے، مزید 3 نئے کیسز کی تصدیق ہو گئی۔پاکستان میں پولیو وائرس ایک بار پھر خطرناک حد تک پھیلنے لگا ہے۔ نیشنل ایمرجنسی آپریشن سینٹر کے مطابق خیبرپختونخوا میں دو جبکہ سندھ میں ایک نئے پولیو کیس کی تصدیق ہوئی ہے۔

(جاری ہے)

خیبرپختونخوا کے اضلاع شمالی وزیرستان اور لکی مروت سے پولیو کیسز رپورٹ ہوئے ہیں، جب کہ سندھ کے ضلع عمرکوٹ میں بھی ایک بچہ پولیو وائرس کا شکار پایا گیا ہے۔

رواں سال کے دوران پولیو کیسز کی تعداد 17 ہو گئی ہے۔حکام کے مطابق پولیو وائرس کے پھیلا پر قابو پانے کے لیے ہنگامی اقدامات کیے جا رہے ہیں، تاہم مسلسل کیسز سامنے آنا قومی صحت عامہ کے لیے ایک بڑا چیلنج بن چکا ہے۔نیشنل ای او سی کے مطابق پولیو وائرس کمزور قوتِ مدافعت والے بچوں کو نشانہ بناتا ہے۔محکمہ صحت نے والدین سے اپیل کی ہے کہ وہ انسدادِ پولیو مہم کے دوران اپنے بچوں کو ہر بار پولیو کے قطرے ضرور پلائیں۔