لیجنڈز لیگ : 47 سالہ سعید اجمل کی تباہ کن بولنگ، نیا ریکارڈ قائم کر دیا

سعید اجمل نے تباہ کن باؤلنگ کی اور 16 رنز دے کر 6 وکٹیں حاصل کیں

ذیشان مہتاب بدھ 30 جولائی 2025 11:41

لیجنڈز لیگ : 47 سالہ سعید اجمل کی تباہ کن بولنگ، نیا ریکارڈ قائم کر دیا

لاہور (اردو پوائنٹ تازہ ترین اخبار ۔ 30 جولائی 2025ء ) ورلڈ چیمپئن شپ آف لیجنڈز میں پاکستان چیمپئنز نے سعید اجمل کی تباہ کن باؤلنگ کے بدولت آسٹریلیا چیمپئنز کو 10 وکٹوں سے ہرا دیا۔

منگل کو انگلینڈ میں جاری ورلڈ چیمپئن شپ آف لیجنڈز میں پاکستان نے ٹاس جیت کر آسٹریلیا کو بیٹنگ کی دعوت دی۔

آسٹریلیا کی بیٹنگ لائن پاکستان کی باؤلنگ کے سامنے ریت کی دیوار ثابت ہوئی اور 12 ویں اوور میں صرف 74 رنز پر ڈھیر ہوگئی۔

پاکستان کی جانب سے سعید اجمل نے تباہ کن باؤلنگ کی اور 16 رنز دے کر 6 وکٹیں حاصل کیں۔

اس کارکردگی کے ساتھ 47 سالہ سعید اجمل نے ورلڈ چیمپئن شپ آف لیجنڈز ٹورنامنٹ میں نئی تاریخ رقم کردی۔

سعید اجمل ورلڈ چیمپئن شپ آف لیجنڈز کی تاریخ میں 5 وکٹیں لینے والے پہلے باؤلر بن گئے۔

(جاری ہے)

آف سپنر کی 16 رنز کے عوض 6 وکٹیں اب تک ٹورنامنٹ کی بہترین باؤلنگ فگرز ہیں۔

🔥 Saeed Ajmal absolutely demolished the Aussie lineup, finishing with 6 wickets for just 17 runs in 3.5 overs—including 15 dot balls—to bowl Australia out for a paltry 74 all‑out. What a phenomenal performance! 🇵🇰✨

🏏 One of those spells you’ll replay over and over... sheer… pic.twitter.com/2Itn2sXHqK
— Sports Eye (@MySportsEye) July 29, 2025

اس سے قبل ورلڈ چیمپئن شپ آف لیجنڈز میں بہترین بولنگ فیگرز کا ریکارڈ ویسٹ انڈیز چیمپئنز کے فیڈل ایڈورڈز کے نام تھا، جنہوں نے انگلینڈ چیمپئنز کے خلاف 3 اوورز میں 11 رنز دے کر 4 وکٹیں حاصل کی تھیں۔

واضح رہے کہ آسٹریلیا کا 75 رنز کا ہدف پاکستان نے با آسانی 8 ویں اوور میں بغیر کسی نقصان کے حاصل کرلیا۔ شرجیل خان 32 اور صہیب مقصود 28 رنز کے ساتھ ناقابل شکست رہے۔

دونوں ٹیمیں پہلے ہی سیمی فائنلز کے لیے کوالیفائی کر چکی ہیں۔