علامہ عطاء اللہ بندیالوی فیصل آباد جیل سے رہا،جگہ جگہ پھولوں کی پتیاں نچھاور،شاندار استقبال

سرگودھا(اُردو پوائنٹ اخبارتازہ ترین - این این آئی۔ 30 جولائی2025ء)جمعیت اشاعت التوحید و السنہ پنجاب کے نائب امیر علامہ عطا اللہ بندیالوی کے فیصل آباد جیل سے رہا کر سرگودھا پہنچنے پران کا جگہ جگہ پھولوں کی پتیاں نچھاور کر کے شاندار استقبال کیا گیا اور ریلی کی شکل میں جامعہ معاویہ میں علما و کارکنان سے خطاب میں علامہ بندیالوی نے کہا کہ علما ء شہریوں نے اپنی محبتوں اور عقیدت کا جوش دیکھا کر مجھے مقروض کر دیا ہے ہمارا توحید و سنت اور عظمت صحابہ واہلبیت کا پرچار ہمارے لئے جنت کی راہیں ہموار کرے گا۔

ان کا شکریہ ادا کیا۔زرائع کے مطابق سوشل میڈیا کے آکاونٹ پر شاہزیب نامی شخص کی ٹک ٹاک آئی ڈی سے ویڈیو اپ لوڈ ہونے پر ایف آئی اے کے سائبر کرائم سیل نے پیکا ایکٹ کے تحت درج مقدمہ میں گزشتہ جمعہ کے روز سرگودھا آمد پرجمعیت اشاعت التوحید والسنہ کے صوبائی نائب امیر علامہ عطا اللہ بندیالوی کو گرفتار کرلیا جس پر جمعیت اشاعت التوحید والسنہ کے مولانا طیب طاہری، مولاناسید ضیا شاہ بخاری،صوبائی ناظم مولانا محمد اشرف،انٹرنشینل ختم نبوت کے ایم پی اے مولانا الیاس چنیوٹی،مرکزی جمعیت اہلحدیث کے مولانا سید سبطین شاہ،امیر افضل اعوان،عرفان اللہ ثنائی، شیخ سعید اختر کوہلی، میاں طاہر محمود،اتحاد العلما کے جنرل سیکرٹری ملک ضیا الحق ضلعی سیکرٹری اطلاعات شیخ نعیم طاہر،متحدہ علما کونسل کے قاری احمد علی ندیم جمعیت علما اسلام کے را عبدالقیوم اور دیگر علما و مشائخ نے جمعیت اشاعت کے علما و کارکنان سے مکمل اظہار یک جہتی کرتے ہوئے اندراج مقدمہ کی شدید الفاظ میں مذمت کرتے ہوئے مقدمہ کو فوری خارج کر کے باعزت بری کرنے کا مطالبہ کیا جبکہ ماہر قانون بلال کمبوہ اور دیگر وکلا نے فیصل آباد عدالت سے ضمانت کے لئے رجوع کیاجس پر گزشتہ روز سنئیر سول جج نے درخواست منظور کرتے ہوئے مولانا عطا اللہ بندیالوی کی رہائی کا حکم دے دیا۔

(جاری ہے)

جن کے فیصل آباد جیل سے رہا ہو کر سرگودھا پہنچنے پر جگہ جگہ جمعیت اشاعت التوحید والسنہ سمیت مذہبی حلقوں نے ان پر پھولوں کی پتیاں نچھاور کر کے نعروں کی گونج میں شاندار استقبال کیا اور ریلی کی شکل میں جامعہ معاویہ میں اجتماع سے خطاب کرتے ہوئے علامہ بندیالوی نے ملک بھر کے علما اور کارکنان کی محبتوں اور عقیدت پر ان کا شکریہ ادا کرتے ہوئے کہا کہ انہوں نے مجھے اپنا مقروض کر دیا ہے لیکن ہمارے توحیدو سنت اور عظمت صحابہ و اہلبیت کا پرچار ہمارے لئے جنت کی راہیں ہموار کرے گاانہوں نے کہا کہ دین کی خدمت اور عظمت صحابہ کی راہ میں یہ قربانیاں رائیگاں نہیں جائیں گئیں۔