پولیس مقابلے میں بدنام زمانہ ڈاکو ہلاک، 7 ساتھی فرار

پولیس کی کارروائی کے بعد ڈاکوئوں نے چوکی پر حملہ کرکے ایک اہلکار کو زخمی کردیا جبکہ ایک اہلکار کو اغوا کر کے لے گئے،پولیس حکام

بدھ 30 جولائی 2025 16:53

شکارپور(اُردو پوائنٹ اخبارتازہ ترین - این این آئی۔ 30 جولائی2025ء)ایس ایس پی شکارپور نے کہا ہے کہ پولیس مقابلے میں بدنام زمانہ ڈاکو ہلاک جبکہ 7 ساتھی فرار ہوگئے۔تفصیلات کے مطابق شکار پور میں اہلکار میر محمد میمن کو شہید کرنے والا پولیس مقابلے میں مارا گیا، ہلاک ڈاکو غالب ڈومکی پر قاتلانہ حملے سمیت متعدد مقدمات میں مطلوب تھا۔

(جاری ہے)

پولیس حکام کے مطابق ڈاکو قاضی پمپ کے قریب شر لاڑو پر لوٹ مار کی نیت سے موجود تھے، ڈاکوئوں نے پولیس پارٹی کو دیکھ کر فائرنگ کردی،ہلاک ڈاکو شہزور کمالانی جتوئی ساتھی کی فائرنگ سے مارا گیا جس سے اسلحہ برآمد کرلیا گیا ہے۔

دوسری جانب پولیس کی کارروائی کے بعد ڈاکوئوں نے چوکی پر حملہ کرکے ایک اہلکار کو زخمی کردیا جبکہ ایک اہلکار کو اغوا کر کے لے گئے، ڈاکوئوں نے کندھ کوٹ شکارپور روڈ پر قائم چوکی کو نشانہ بنایا۔پولیس حکام کے مطابق ڈاکوئوں نے مغوی اہلکار کی رہائی کے بدلے ہلاک ڈاکو شہزور کمالانی جتوئی کی لاش کی حوالگی کا مطالبہ کیا ہے۔