ثانیہ نشتر کی خالی سینیٹ نشست کیلئے 5امیدوار، انتخابات (آج) ہوں گے

بدھ 30 جولائی 2025 22:40

اسلام آباد(اُردو پوائنٹ اخبارتازہ ترین - این این آئی۔ 30 جولائی2025ء)پی ٹی آئی کی مستعفی سینیٹر ثانیہ نشتر کی سینیٹ کی خالی نشست پر (آج)جمعرات کو انتخابات ہوں گے، ان انتخابات میں 5امیدوار حصہ لے رہی ہیں۔

(جاری ہے)

الیکشن کمیشن آف پاکستان کے مطابق آزاد امیدوار مشال یوسفزئی، صائمہ خالد، مہتاب ظفر سینیٹ الیکشن میں حصہ لے رہی ہیں۔الیکشن کمیشن نے بتایا کہ مسلم لیگ ن کی ثوبیہ شاہد اور جے یو آئی ف کی شازیہ بھی میدان میں ہیں۔الیکشن کمیشن کے مطابق خالی نشست کیلئے پولنگ خیبر پختونخوا اسمبلی کے جرگہ ہال میں ہو گی۔الیکشن کمیشن نے بتایا کہ خیبر پختونخوا اسمبلی کے 145اراکین حق رائے دہی استعمال کریں گے۔