ٹرمپ نے بھارت میں قائم 7 کمپنیوں پر پابندی لگا دی

ایران تیل سے حاصل آمدنی کو مشرق وسطی کو عدم استحکام کرنے کے لیے استعمال کرتا ہے،بیان

جمعرات 31 جولائی 2025 14:15

واشنگٹن (اُردو پوائنٹ اخبارتازہ ترین - این این آئی۔ 31 جولائی2025ء)امریکی صدر ڈونلڈ ٹرمپ نے بھارت میں قائم 7 کمپنیوں پر پابندیاں لگا دیں، پابندیوں کا شکار ساتوں کمپنیاں ایران سے تیل کی تجارت کرتی ہیں۔

(جاری ہے)

امریکی میڈیا کے مطابق امریکا کا کہنا تھا کہ ایران تیل سے حاصل آمدنی کو مشرق وسطی کو عدم استحکام کا شکار کرنے کے لیے استعمال کرتا ہے اور اپنے عوام کا استحصال کرتا ہے۔امریکا کا کہنا تھاکہ محکمہ خارجہ ایسی 20 کمپنیوں پر پابندی لگا رہا ہے جو ایرانی پیٹرولیم، پیٹرولیم مصنوعات یا پیٹرو کیمیکل تجارت میں شریک ہیں اور 10 جہازوں کے خلاف بھی کارروائی کررہا ہے، کہا جارہا ہے کہ ان 20 میں سے 7 کمپنیاں بھارت میں قائم ہیں۔