کینیڈا کے ساتھ تجارتی معاہدہ مشکل ہو جائے گا،ٹرمپ

کینیڈا کی فلسطینی ریاست کو تسلیم کرنے کی مشروط رضامندی پر امریکی صدر کا ردعمل

جمعرات 31 جولائی 2025 14:15

اوٹاوا(اُردو پوائنٹ اخبارتازہ ترین - این این آئی۔ 31 جولائی2025ء)کینیڈا کی جانب سے فلسطینی ریاست کو تسلیم کرنے کی مشروط رضا مندی پر امریکی صدر ڈونلڈ ٹرمپ نے ردعمل کا اظہار کیا ہے۔مائیکرو بلاگنگ ویب سائٹ ایکس پر جاری کیے گئے اپنے بیان میں امریکی صدر ڈونلڈ ٹرمپ نے کہا کہ کینیڈا نے فلسطینی ریاست کی حمایت کا اعلان کیا ہے۔

(جاری ہے)

ڈونلڈ ٹرمپ کا کہنا تھا کہ کینیڈا کی جانب سے فلسطینی ریاست کے قیام کی حمایت کرنے کے بعد امریکا کا کینیڈا کے ساتھ تجارتی معاہدہ کرنا بہت مشکل ہو جائے گا۔

لندن میں کابینہ کے ہنگامی اجلاس کے بعد برطانوی وزیراعظم سر کئیر اسٹارمر نے کہا کہ غزہ کی صورتحال نہ بدلی تو برطانیہ ستمبر میں فلسطین کو ریاست تسلیم کرے گا۔انہوں نے کہا کہ اسرائیل نے غزہ جنگ بندی، مغربی کنارے پر تسلط نہ کرنے کا اعلان اور دو ریاستی حل پر رضامندی نہ دی تو فلسطینی ریاست کو تسلیم کر لیں گے، ستمبر میں اقوام متحدہ جنرل اسمبلی اجلاس سے پہلے فلسطینی ریاست کو مشروط تسلیم کریں گے۔