ایرانی صدر مسعود پیزشکیان اسلام آباد پہنچ گئے، وزیراعظم نے استقبال کیا

ہفتہ 2 اگست 2025 21:20

اسلام آباد (اُردو پوائنٹ اخبارتازہ ترین - این این آئی۔ 02 اگست2025ء)ایرانی صدر مسعود پیزشکیان پاکستان کے سرکاری دورے پر اسلام آباد پہنچ گئے۔اسلام آباد کے ہوائی اڈے پر وزیر اعظم محمد شہباز شریف نیایران کے صدر اور ان کے وفد کا استقبال کیا۔

(جاری ہے)

ہفتہ کو وزیر اعظم آفس کے میڈیا ونگ سے جاری بیان کے مطابق ڈاکٹر پیزشکیان کے ہمراہ اعلی سطح کے وفد میں ایران کے وزیر خارجہ سید عباس عراقچی، سینئر وزرا اور دیگر اعلی حکام بھی شامل ہیں۔

اپنے قیام کے دوران صدر پیزشکیان صدر مملکت آصف علی زرداری اور وزیر اعظم محمد شہباز شریف سے ملاقات کریں گے۔اس دورے میں پاکستان اور ایران کے مابین اعلی سطح کے وفود کے اجلاس ہوں گے۔یہ ایران کے صدر کی حیثیت سے ڈاکٹر پیزشکیان کا پاکستان کا پہلا سرکاری دورہ ہے۔اس دورے سے پاکستان اور ایران کے درمیان برادرانہ تعلقات مزید مضبوط ہونگے۔