انگلینڈ اور بھارت کی سیریز میں ٹیسٹ کرکٹ کا نیا ریکارڈ بن گیا

اتوار 3 اگست 2025 21:30

لندن (اُردو پوائنٹ اخبارتازہ ترین - این این آئی۔ 03 اگست2025ء)انگلینڈ اور بھارت کی سیریز میں ٹیسٹ کرکٹ کا نیا ریکارڈ بن گیا۔پانچ میچز کی ٹیسٹ سیریز میں پہلی مرتبہ 50 ففٹی پلس اسکور بن گئے ہیں۔ اس سے قبل 21-1920کی ایشیز سریز کے 5 میچز میں 49 ففٹی پلس اسکور ہوئے تھے البتہ 1993 میں ہونے والی ایشیز سیریز کے 6 میچز میں 50 ففٹی پلس اسکور تھے۔

(جاری ہے)

اینڈرسن، ٹنڈولکر ٹرافی میں اب تک 19 سنچریاں اور 31 نصف سنچریاں بن چکی ہیں۔سیریز میں بھارت نے 28 جب کہ میزبان انگلینڈ کی جانب سے 22 ففٹی پلس اسکور بنائیں گئے۔سیریز کے دوران 5 میچز میں بیٹرز کی جانب سے سب سے زیادہ مجموعی رنز کا بھی نیا ریکارڈ بن گیا۔اس سے قبل 29-1928 کی ایشیز سیریز کے 5 میچز میں انگلش اور آسٹریلین بیٹرز نے مجموعی 6 ہزار 606 رنز بنائے تھے۔