Live Updates

آسٹریلیا، شدید برف باری نے دو دہائیوں کا ریکارڈ توڑ دیا

ہزاروں گھروں کی بجلی منقطع ہو گئی جبکہ امدادی کارروائیاں جاری ہیں،آسٹریلوی میڈیا

پیر 4 اگست 2025 15:47

آسٹریلیا، شدید برف باری نے دو دہائیوں کا ریکارڈ توڑ دیا

کینبرا(اُردو پوائنٹ اخبارتازہ ترین - این این آئی۔ 04 اگست2025ء) آسٹریلیا کے مشرقی علاقے میں شدید برف باری نے دو دہائیوں کا ریکارڈ توڑ دیا ہے، متعدد حادثات بھی رپورٹ ہوئے ہیں۔آسٹریلوی میڈیا کے مطابق بارشوں کے بعد سڑکیں، گاڑیاں اور گھر برف سے ڈھک گئے، سیکڑوں گاڑیاں سیلاب میں پھنس گئیں۔ ہزاروں گھروں کی بجلی منقطع ہو گئی جبکہ امدادی کارروائیاں جاری ہیں۔

(جاری ہے)

یہ شمال مغربی خطے کے کچھ حصوں میں 20 سالوں میں سب سے زیادہ برف باری ہوئی ہے۔ ریاست کوئنز لینڈ کے ایک علاقے میں 10 برسوں بعد پہلی بار برف پڑی ہے۔آسٹریلیا کے محکمہ موسمیات کے میٹرولوجسٹ نے بتایا کہ نیو ساتھ ویلز کے متعدد علاقوں میں ہفتے کو 16 انچ برف پڑی ہے، جو 1980 کے وسط کے بعد سب سے زیادہ برف باری ہے۔ریاست نیوساتھ ویلز کی ایمرجنسی سروس نے بتایا کہ کئی علاقوں میں تیز بارش ہوئی ہے اور اب تک ایک ہزار 445 سے زائد حادثات رپورٹ ہوئے ہیں، برف میں 100 سے زائد گاڑیاں پھنسی ہوئی ہیں، آندھی سے کئی عمارتوں کو نقصان پہنچا ۔