یوم شہداء پولیس پولیس لائینز راولپنڈی میں یوم شہداء بارے تقریب

راولپنڈی(اُردو پوائنٹ اخبارتازہ ترین - این این آئی۔ 04 اگست2025ء) یوم شہداء پولیس پولیس لائینز راولپنڈی میں یوم شہداء کے حوالے سے پروقار تقریب کاانعقادکیاگیا،یادگار شہدا پر سینئر افسران کی آمد، پولیس کے چاق و چوبند دستے نے سلامی پیش کی ،سلامی کی تقریب میں شہداء کی فیملیز نے بھی شرکت کی،آر پی او بابر سرفراز الپا اور سی پی او سید خالد ہمدانی اور دیگر افسران نے یاد گار شہداء پر پھول رکھے، شہداء پولیس کے درجات کی بلندی اور ملک و قوم کی سلامتی کے لئے دعا کی گئی۔

(جاری ہے)

تفصیلات کے مطابق یوم شہداء پولیس،پولیس لائینز راولپنڈی میں یوم شہداء کے حوالے سے پروقار تقریب کا انعقاد کیا گیا،یادگار شہدا پر سینئیر افسران کی آمد، پولیس کے چاق و چوبند دستے نے سلامی پیش کی، آر پی او بابر سرفراز الپا، کمشنر راولپنڈی انجینئر عامر خٹک، سی پی او سید خالد ہمدانی، ڈپٹی کمشنر حسن وقار چیمہ، ایس ایس پی انویسٹیگیشن، ایس پی ہیڈکوارٹرز، ڈویژنل ایس پیز، ایس ڈی پی اوز، ایس ایچ اوز سمیت سینئر افسران نے شرکت کی، سلامی کی تقریب میں شہداء کی فیملیز نے بھی شرکت کی،سینئر افسران اور پولیس کے چاق و چوبند دستے نے سلامی پیش کی، آر پی او بابر سرفراز الپا اور سی پی او سید خالد ہمدانی اور دیگر افسران نے یاد گار شہداء پر پھول رکھے، شہداء پولیس کے درجات کی بلندی اور ملک و قوم کی سلامتی کے لئے دعا کی گئی،سینئر افسران شہداء کی فیملیز سے ملے، بچوں سے شفقت کا اظہار کیا، آر پی او بابر سرفراز الپا کاکہنا تھا کہ شہداء پولیس ہمارے محسن ہیں، قوم انکی مقروض ہے، شہداء کی عظیم قربانیاں باعث فخر ہیں، شہداء ہمارا اثاثہ ہیں جن کی قربانیاں لازوال ہیں، سی پی او سید خالد ہمدانی کا کہنا تھا کہ راولپنڈی پولیس کے 122 افسران و جوانوں نے ملک و قوم پر جان قربان کی،سربلندی کی یہ دستار ہمارے پاس شہداء کی امانت ہے،ملک و قوم کی بقاء کی خاطر جانوں کا نذرانہ پیش کرنے والے ان عظیم سپوتوں کو ہمیشہ یاد رکھا جائے گا،تقریب کے اختتام پر آر پی اوبابر سرفراز الپا، سی پی او سیدخالد ہمدانی سمیت دیگر افسران نے الطاف حسین شہید میس پر شہداء کی فیملیز کے ہمراہ کھانا کھایا، یوم شہداء پولیس کے موقعہ پر شہداء پولیس کے ایصال ثواب کے لیے پولیس لائینز جامع مسجد میں قرآن خوانی کی گئی۔