یوم شہدا پولیس تقریب میں آر پی او ،سی پی او اور کمشنر سمیت اعلیٰ افسران کی شرکت

پیر 4 اگست 2025 21:30

راولپنڈی (اُردو پوائنٹ اخبارتازہ ترین - اے پی پی۔ 04 اگست2025ء) راولپنڈی میں یوم شہداء پولیس کی تقریب میں آر پی او ،سی پی او ،کمشنر ،ڈپٹی کمشنر سمیت اعلیٰ افسران نے شرکت کی ۔پولیس ترجمان کے مطابق پولیس لائینز میں یوم شہداء کے حوالے سے پروقار تقریب میں آر پی او بابر سرفراز الپا، کمشنر راولپنڈی انجینئر عامر خٹک، سی پی او سید خالد ہمدانی، ڈپٹی کمشنر حسن وقار چیمہ، ایس ایس پی انویسٹیگیشن، ایس پی ہیڈکوارٹرز، ڈویژنل ایس پیز، ایس ڈی پی اوز، ایس ایچ اوز سمیت سینئر افسران نے شرکت کی، سلامی کی تقریب میں شہداء کی فیملیز نے بھی شرکت کی،سینئر افسران اور پولیس کے چاق و چوبند دستے نے سلامی پیش کی۔

آر پی او بابر سرفراز الپا اور سی پی او سید خالد ہمدانی اور دیگر افسران نے یاد گار شہداء پر پھول رکھے، شہداء پولیس کے درجات کی بلندی اور ملک و قوم کی سلامتی کے لئے دعا کی گئی،سینئر افسران شہداء کی فیملیز سے ملے، بچوں سے شفقت کا اظہار کیا۔

(جاری ہے)

آر پی او بابر سرفراز الپا نے کہا کہ شہداء پولیس ہمارے محسن ہیں، قوم انکی مقروض ہے، شہداء کی عظیم قربانیاں باعث فخر ہیں۔تقریب کے اختتام پر آر پی اوبابر سرفراز الپا، سی پی او سیدخالد ہمدانی سمیت دیگر افسران نے الطاف حسین شہید میس پر شہداء کی فیملیز کے ہمراہ کھانا کھایا، یوم شہداء پولیس کے موقعہ پر شہداء پولیس کے ایصال ثواب کے لیے پولیس لائینز جامع مسجد میں قرآن خوانی کی گئی۔