پنجاب میں مویشیوں کی تعداد میں سالانہ 6 فیصد سے زائد کا اضافہ ہورہا ہے، ماہرین لائیو سٹاک

بدھ 6 اگست 2025 16:41

فیصل آباد (اُردو پوائنٹ اخبارتازہ ترین - اے پی پی۔ 06 اگست2025ء) ویٹرنری اینڈ اینیمل سائنسزو ڈیری ڈویلپمنٹ کے ماہرین لائیو سٹاک نے کہا ہے کہ پنجاب میں مویشیوں کی تعداد میں سالانہ 6فیصد سے زائد کا اضافہ ہونے لگا ہے جبکہ رواں سال کے دوران صوبہ بھر میں مویشیوں کی تعداد8کروڑ سے بھی تجاوز کر گئی ہے لہٰذا مویشیوں کی بہتر نشوونما کیلئے سبز چارے کی پیداوار میں اضافہ ضروری ہے اسلئے مستقبل کی منصوبہ بندی کرتے ہوئے ملک کی بڑھتی ہوئی آبادی کی دودھ اور گوشت کی ضرورت پوری کرنے کیلئے ہمیں چارے کی پیداوار میں خاطر خواہ اضافہ کرنا ہوگا۔

(جاری ہے)

انہوں نے بتایاکہ پنجاب میں پاکستان کے چارہ جات کے کل رقبہ کے 80فیصد یعنی 48 لاکھ ایکڑ رقبہ پر چارہ جات کاشت ہوتے ہیں نیزربیع کے چاروں کا رقبہ ساڑھے 25 لاکھ ایکڑ سے زائد ہے۔انہوں نے چارہ جات کی پیداوار میں اضافہ کیلئے کاشتکاروں کو زرعی ماہرین کی سفارشات پر عمل کرنے کی بھی ہدایت کی۔