قومی اسمبلی اجلاس، کے الیکٹرک سے متعلق متعدد اراکین نے شکایات کے انبار لگا دیے

سپیکر قومی اسمبلی کی کراچی کے مسئلے پر متعدد اراکین کو وزیر مملکت سے میٹنگ کی ہدایت

بدھ 6 اگست 2025 22:56

اسلام آباد (اُردو پوائنٹ اخبارتازہ ترین - این این آئی۔ 06 اگست2025ء)قومی اسمبلی اجلاسمیں اراکین نے کے الیکٹرک کیخلاف شکایات کے انبار لگا دیئے جس پر سپیکر قومی اسمبلی نے مسئلے کے حل کیلئے اراکین کو و وزیر مملکت توانائی سے میٹنگ کی ہدایت کردی ۔ بدھ کو قومی اسمبلی اجلاس میں پیپلز پارٹی کے رکن قومی اسمبلی نے شکایت لگاتے ہوئے کہا کہ کے الیکٹرک کی جانب سے پورے علاقے کے فیڈر بند کر دیئے جاتے ہیں۔

سپیکر قومی اسمبلی سردار ایاز صادق نے کہا کہ کے الیکٹرک کے سوال پر کراچی کے تمام ایم این ایز نے ہاتھ کھڑے کر دیے ہیں۔

(جاری ہے)

پی پی پی رکن منور علی تالپور نے کہا کہ اگر ایک یا دو گھر بجلی کا بل نہیں دیتے تو انکی بجلی کاٹیں، یہ کیا پورے گاں کی بجلی کاٹ دیتے ہیں۔وزیر مملکت عبدالرحمن خان کانجو نے یقین دلایا کہ بجلی سے متعلق سب کی جو شکایات ہیں ان کو حل کریں گے۔

اسپیکر قومی اسمبلی نے کہا کہ آپ ممبران کو بلائیں ان سے میٹنگ کریں اور مسئلہ حل کریں۔اسپیکر قومی اسمبلی ایاز صادق نے کے الیکٹرک سے متعلق سوال موخر کر دیا۔ انہوں نے کراچی کے مسئلے پر متعدد اراکین کو وزیر مملکت سے میٹنگ کی ہدایت کر دی۔ایاز صادق نے کہا کہ امین الحق صاحب اور باقی ممبران جائیں اور وزیر مملکت کے ساتھ میٹنگ کریں۔