Live Updates

موسلادھار بارش،کے پی، گلگت اور کشمیر میں لینڈسلائیڈنگ سے ٹریفک متاثر ہونے کا خدشہ

جمعرات 7 اگست 2025 04:55

پشاور (اُردو پوائنٹ اخبارتازہ ترین - این این آئی۔ 07 اگست2025ء)موسلادھار بارش کے باعث خیبرپختونخوا کے پہاڑی علاقوں، گلگت بلتستان، کشمیر، مری اور گلیات میں لینڈ سلائیڈنگ کے باعث ٹریفک متاثر ہونے کا خطرہ ہے۔بارش کے باعث دیر، سوات، شانگلہ، مانسہرہ، کوہستان، ایبٹ آباد، مری، گلیات اور کشمیر کے برساتی ندی نالوں میں پانی کے بہاو میں اضافے کا بھی امکان ہے۔

(جاری ہے)

فلڈ فورکاسٹنگ ڈویژن کے مطابق دریائے سندھ میں گڈو اور سکھر بیراج پر نچلے درجے کا سیلاب ہے، باقی دریا اپنے اپنے ہیڈ ورکس پر معمول کے مطابق بہہ رہے ہیں۔دوسری جانب اسلام آباد میں مارگلہ کی پہاڑیوں سے نکلنے والے نالوں میں طغیانی آگئی، چک شہزاد اور پارک روڈ سے گزرنے والے برساتی نالوں میں شدید طغیانی ہے جس کے باعث ان علاقوں میں کئی کئی فٹ پانی جمع ہے جبکہ 6سی7نجی ہائوسنگ سوسائٹیز متاثر ہونے کا خدشہ ہے۔ نیومل شرقی کے علاقے میں پانی گھروں میں داخل ہوگیا جب کہ مقامی افراد کا کہناہے کہ انتظامیہ کو بارہا آگاہ کیا لیکن ابھی تک کوئی ٹیم نہیں آئی۔موسلادھار بارش کے باعث اسلام آباد، راولپنڈی، گوجرانوالہ، لاہور اور سیالکوٹ کے نشیبی علاقے زیر آب آنے کاخدشہ ہے۔