آباد ممبران سمیت ہر بلڈرز کے لئے گورنر ہائوس کے دروازے کھلے ہیں ، گورنرسندھ

آباد کے ممبران پاکستان کی ترقی میں مؤثر کردار ادا کر رہے ہیں،آباد کی جشن آزادی کے سلسلہ میں منعقدہ تقریب سے خطاب

جمعرات 7 اگست 2025 21:47

آباد ممبران سمیت ہر بلڈرز کے لئے گورنر ہائوس کے دروازے کھلے ہیں ، گورنرسندھ

کراچی (اُردو پوائنٹ اخبارتازہ ترین - این این آئی۔ 07 اگست2025ء)گورنرسندھ کامران خان ٹیسوری نے کہا ہے کہ آباد کے ممبران پاکستان کی ترقی میں مؤثر کردار ادا کر رہے ہیں۔72 صنعتیں آباد سے منسلک ہوکر ملکی معیشت کا پہیہ چلا سکتی ہیں۔چیئرمین آباد کی گفتگو سے میں 100 فیصد متفق ہوں۔گورنر ہاؤس کے دروازے آباد کے ممبران اور ہر بلڈر کے لئے کھلے ہیں۔

ان خیالات کا اظہار انہوں نے ایسوسی ایشن آف بلڈرز ینڈ ڈیولپرز (ABAD)کی جانب سے آباد ہاؤس میں معرکہ حق یوم آزادی کے سلسلہ میں منعقدہ تقریب سے خطاب کرتے ہوئے کیا ۔

(جاری ہے)

تقریب کا آغاز گورنر سندھ کامران خان ٹیسوری کی جانب سے پرچم کشائی سے ہوا۔تقریب میں ایم کیو ایم پاکستان کے سینئر مرکزی رہنما ڈاکٹر فاروق ستار اور انیس قائم خانی، آباد کے چیر مین حسن بخشی و دیگر بھی شریک تھے ۔

گورنرسندھ نے مزید کہا کہ بلڈنگ کے قوانین تبدیل کرنا وقت کی اہم ضرورت ہے،ہمیں بلڈنگ رولز میں تبدیلی کے لیے مشترکہ آواز بلند کرنی ہوگی۔ انہوں نے کہا کہ 10 مئی کو افواجِ پاکستان اور قوم نے دشمن ملک بھارت کو دھول چٹائی۔ انہوں نے کہا کہ ہمیں اپنے اندر کی کوتاہیوں پر بھی نظر ڈالنی ہوگی۔ انہوں نے کہا کہ آباد کے ممبران کو اس پرچم کے سائے تلے عہد کرنا ہوگا۔