Live Updates

افریقہ کیخلاف ٹیسٹ سیریز، سپورٹ سٹاف میں اضافے کا امکان

سابق کرکٹر عمران فرحت کی بطور معاون بیٹنگ کوچ خدمات، سپن بولنگ کوچ عبدالرحمان اور فیلڈنگ کوچ عبدالمجید کو بھی لانے کی تجویز

اتوار 5 اکتوبر 2025 12:20

افریقہ کیخلاف ٹیسٹ سیریز، سپورٹ سٹاف میں اضافے کا امکان

لاہور(اُردو پوائنٹ اخبارتازہ ترین - این این آئی۔ 05 اکتوبر2025ء) جنوبی افریقہ کے خلاف ٹیسٹ سیریز کیلئے قومی ٹیم کے سپورٹ سٹاف میں اضافے کا امکان ہے جس کا باقاعدہ اعلان چیئرمین پی سی بی کی منظوری کے بعد ہوگا۔ذرائع کے مطابق جنوبی افریقہ کے خلاف دو ٹیسٹ میچز کیلئے سابق کرکٹر عمران فرحت کی بطور معاون بیٹنگ کوچ خدمات حاصل کی جا سکتی ہیں جبکہ سپن بولنگ کوچ عبدالرحمان اور فیلڈنگ کوچ عبدالمجید کو بھی ٹیم مینجمنٹ کا حصہ بنانے کی تجویز ہے۔

(جاری ہے)

نیشنل کرکٹ اکیڈمی کے یہ تینوں کوچز اس وقت لاہور میں جاری قومی ٹیسٹ ٹیم کے کیمپ میں ذمہ داریاں نبھا رہے ہیں، ان کو سپورٹ سٹاف کا باقاعدہ حصہ بنانے کی تجویز پر حتمی فیصلہ جلد ہو گا۔ذرائع کے مطابق پاکستان اور جنوبی افریقہ کے درمیان پہلا ٹیسٹ میچ 12 اکتوبر کو قذافی سٹیڈیم لاہور میں جبکہ دوسرا ٹیسٹ 20 اکتوبر سے راولپنڈی میں شیڈول ہے، دونوں میچز کے لیے سپن ٹریک بنایا جاسکتا ہے جس پر ساجد خان، نعمان علی اور آصف آفریدی کارگر ثابت ہو سکتے ہیں۔