اسلام آباد ایئرپورٹ پر 6 سے 9 اور 11 سے 14 اگست تک پروازیں 2 گھنٹے معطل رہیں گی

ہفتہ 9 اگست 2025 18:14

اسلام آباد (اُردو پوائنٹ اخبارتازہ ترین - این این آئی۔ 09 اگست2025ء)اسلام آباد ایئرپورٹ پر پروازوں کی آمد اور روانگی 6 سے 9 اگست اور 11 سے 14 اگست تک 2 گھنٹے کے لیے معطل رہے گی۔

(جاری ہے)

میڈیا رپورٹ کے مطابق پاکستان ایئرپورٹ اتھارٹی ( پی اے ای) نے یوم آزادی کی ریہرسل کے لیے نوٹم جاری کر دیا، جس میں کہا گیا ہے کہ صبح 11 سے دوپہر ایک بجے تک اسلام آباد ایئرپورٹ فضائی آپریشن معطل رہے گا۔

یوم آزادی ریہرسل پر اسلام آباد ایئرپورٹ پر پروازوں کو معطل کیا گیا ہے، پی اے اے کی جانب سے آگاہ کیا گیا کہ 6 تا 9 اگست اور 11 سے 14 اگست تک اسلام آباد ایئرپورٹ 2 گھنٹے کے لیے بند رہے گا۔ایئر لائنز کو اس وقت میں پروازیں شیڈول نہ کرنے ہدایت کی گئی ہے، 11 تا 13 اگست پاکستانی وقت کے مطابق رات 8:00 بجے سے 10:00 بجے تک بھی پروازیں معطل رہیں گی۔