سالہ رجنی کانت کے فلم قلی کیلئے معاوضے نے سب کو حیران کردیا

اداکار رجنی کانت کی فلم قلی 14 اگست کو ریلیز ہوگی، اس فلم میں عامر خان، اوپیندرا سمیت دیگر بھی نظر آئیں گے

منگل 12 اگست 2025 10:40

ممبئی (اُردو پوائنٹ اخبارتازہ ترین - این این آئی۔ 12 اگست2025ء)بھارت کے لیجنڈری اداکار رجنی کانت کے فلم قلی کیلئے معاوضے نے سب کو حیران کردیا۔بھارت کے لیجنڈری اداکار رجنی کانت کی فلم قلی 14 اگست کو ریلیز ہوگی، اس فلم میں عامر خان، اوپیندرا سمیت دیگر بھی نظر آئیں گے۔یہ فلم بڑے بجٹ سے بنائی گئی ہے اور اس فلم کا بجٹ 350 سے 400 کروڑ بھارتی روپے ہے۔

اس فلم کیلئے اداکاروں کیجانب سے وصول کیے گئے معاوضے نے سب کو حیران کردیا۔

(جاری ہے)

رپورٹس کے مطابق اس فلم میں عامر خان مختصر سے کردار میں نظر آئیں گے جو کہ 15 سے 20 منٹ کا ہے اور اس کیلئے مسٹر پرفیکشنسٹ نے 20 کروڑ بھارتی روپے معاوضہ وصول کیا۔حیران کن بات یہ ہے کہ سپر اسٹار رجنی کانت نے اس فلم کیلئے 200 کروڑ بھارتی روپے معاوضہ لیا ہے۔ رپورٹس کے مطابق رجنی کانت کا معاوضہ 150 کروڑ تھا اور فلم کی ریلیز سے بڑی تعداد میں ایڈوانس بکنگ نے پروڈیوسرز کو معاوضہ بڑھانے پر مجبور کردیا۔اس فلم کیلئے اداکار ستھیا راج اور اداکارہ شروتی ہاسن نے 4، 4 کروڑ بھارتی روپے معاوضہ لیا جبکہ ہدایت کار نے 50 کروڑ بھارتی روپے فیس وصول کی۔