سرفراز احمد نے قومی ٹیم میں نئے کھلاڑیوں کی شمولیت کو خوش آئند قرار دے دیا

امید ہے کہ ایشیاء کپ میں پاکستان اچھی کارکردگی کا مظاہرہ کرنے میں کامیاب رہے گا : سابق کپتان

ذیشان مہتاب منگل 12 اگست 2025 12:00

سرفراز احمد نے قومی ٹیم میں نئے کھلاڑیوں کی شمولیت کو خوش آئند قرار ..

کراچی (اردو پوائنٹ تازہ ترین اخبار ۔ 12 اگست 2025ء ) سابق ٹیسٹ کپتان سرفراز احمد نے پاکستان کرکٹ ٹیم میں نئے اور نوجوان کھلاڑیوں کی شمولیت کو خوش آئند قرار دیتے ہوئے بہتر مستقبل کے لیے امیدیں باندھ لیں۔

نیا ناظم آباد میں معرکہ حق جشن آزادی کی تقریبات کے حوالے سے کرکٹ ٹورنامنٹ کی افتتاحی تقریب کے موقع پر میڈیا سے گفتگو کرتے ہوئے سابق ٹیسٹ کپتان سرفراز احمد کا کہنا تھا کہ ابھرتے ہوئے باصلاحیت کھلاڑیوں کو پاکستان کرکٹ ٹیم میں مواقع ملنا مثبت اور اچھا عمل ہے۔

انہوں نے کہا کہ امید ہے کہ ایشیاء کپ کرکٹ ٹورنامنٹ میں پاکستان اچھی کارکردگی کا مظاہرہ کرنے میں کامیاب رہے گا، متحدہ عرب امارات کی کنڈیشنز پاکستان کے لیے ہمیشہ بہت سازگار اور سود مند رہی ہیں۔

(جاری ہے)

پاکستان نے ہمیشہ وہاں کی وکٹوں پر بہترین کھیل پیش کیا ہے۔

معرکہ حق اور جشن آزادی کے حوالے سے اظہار خیال کرتے ہوئیسابق کپتان سرفراز احمد نے پوری قوم کو مبارکباد پیش کی۔

انہوں نے کہا کہ معرکہ حق کی صورت میں پاکستان کو عزت ملی،اس پر جتنا شکر ادا کریں کم ہے۔ دنیا کو بتانا ہے کہ پاکستان نے ہمیشہ امن کی بات کی ہے۔

سرفراز احمد کا مزید کہنا تھا کہ ملک کی سالمیت اور دفاع کے لیے پاک فوج نے بہت قربانیاں پیش کیں، شہداء کو خراج عقیدت پیش کرتے ہیں، پوری قوم جشن آزادی شایان شان طریقے سے منائے گی۔