امریکا اور پاکستان میں دہشتگردی سے نمٹنے کے لیے تعاون بڑھانے پر بات

دہشت گردی کی تمام شکلوں اور مظاہر سے نمٹنے کے لیے مشترکہ عزم کا اعادہ کیا گیا،ترجمان محکمہ خارجہ

بدھ 13 اگست 2025 15:17

امریکا اور پاکستان میں دہشتگردی سے نمٹنے کے لیے تعاون بڑھانے پر بات

واشنگٹن (اُردو پوائنٹ اخبارتازہ ترین - این این آئی۔ 13 اگست2025ء)ترجمان امریکی محکمہ خارجہ ٹیمی بروس نے کہا ہے کہ دہشت گردی کے خطرات سے نمٹنے کے لیے امریکا اور پاکستان نے تعاون بڑھانے کے طریقوں پر تبادلہ خیال کیا۔ اپنے بیان میں انہوں نے کہا کہ دہشت گردی کی تمام شکلوں اور مظاہر سے نمٹنے کے لیے مشترکہ عزم کا اعادہ کیا گیا۔ ٹیمی بروس نے کہا کہ پاکستان اور بھارت کے ساتھ تنازع کے دوران ہمارا تجربہ رہا ہے۔

(جاری ہے)

یہ جنگ خوفناک شکل اختیار کرسکتی تھی، جو کچھ ہورہا تھا اس کی نوعیت کو حل کرنے میں نائب صدر، صدر اور وزیر خارجہ حرکت میں آئے۔ انہوں نے کہا کہ فریقین کو قریب لاکر کچھ پائیدار تخلیق کیا۔ یہ قابل فخر لمحہ ہے کہ سیکرٹری روبیو، نائب صدر وینس اور سرکردہ رہنما ممکنہ تباہی کو روکنے میں شامل تھے۔ترجمان امریکی محکمہ خارجہ کا کہنا تھا کہ دونوں ممالک کے ساتھ ہمارے تعلقات برقرار اور اچھے ہیں۔ ہمارے سفارتکار دونوں ممالک کے لیے پرعزم ہیں۔ٹیمی بروس نے کہا کہ خطے اور دنیا کے لیے امریکا کا ان دونوں ممالک کے ساتھ کام کرنا اچھی خبر ہے، یہ ایک ایسے مستقبل کو فروغ دے گا جو فائدہ مند ہو۔