یوم آزادی خوشیوں کا دن ، معرکۂ حق میں ‎ قوم نے ثابت کیا کہ دشمن پاکستان پر میلی نگاہ نہیں ڈال سکتا،پروفیسر احسن اقبال

جمعرات 14 اگست 2025 14:43

اسلام آباد (اُردو پوائنٹ اخبارتازہ ترین - اے پی پی۔ 14 اگست2025ء) وفاقی وزیر برائے منصوبہ بندی پروفیسر احسن اقبال نے قوم کو 78ویں یوم آزادی کی مبارکباد دیتے ہوئے کہا ہے کہ ‎ یہ خوشیوں اور فخر کا دن ہے، ‎آج ہم معرکۂ حق میں کامیابی پر بھی جشن منا رہے ہیں۔یہاں جاری بیان کے مطابق پروفیسر احسن اقبال نے کہا کہ ‎آج ہم معرکۂ حق میں کامیابی پر شکر گزار اور جشن منا رہے ہیں ،‎ قوم نے ثابت کیا کہ کوئی دشمن پاکستان پر میلی نگاہ نہیں ڈال سکتا۔

انہوں نے کہا کہ‎مسلح افواج کسی بھی جارحیت کا منہ توڑ جواب دینے کی صلاحیت رکھتی ہیں،‎وزیراعظم کی سربراہی میں سیاسی قیادت نے ثابت کیا کہ پاکستان کی آن اور شان کے لئے کسی فیصلے سے ہچکچاتے نہیں۔احسن اقبال نے کہا کہ ‎دنیا پاکستان کو تحسین کی نظر سے دیکھ رہی ہے ،‎آپریشن بنیان مرصوص میں دفاعی شعبے میں بے مثال کامیابی حاصل کی۔

(جاری ہے)

انہوں نے کہا کہ‎اب معرکۂ حق معاشی اور اقتصادی میدان میں لڑنا ہے،‎اڑان پاکستان سے ملک کو ناقابل تسخیر اقتصادی قوت بنایا جائے گا۔

وزیر منصوبہ بندی نے کہا کہ استاد، ڈاکٹر، انجینئر، تاجر، کسان اور مزدور کو 2035 تک پاکستان کو ایک ٹریلین ڈالر کی معیشت بنانے کے ہدف کے لیے اپنا کردار ادا کرنا ہوگا۔انہوں نے کہا کہ ‎ ملک کا سب سے قیمتی سرمایہ اس کے نوجوان ہیں،‎اڑان پاکستان نوجوانوں کو جدید مہارتوں سے لیس کرے گا،وہ پاکستان کی پہچان بن کر دنیا میں اپنی صلاحیت منوائیں گے۔‎ان کا کہنا تھا کہ قائداعظم اور علامہ اقبال کی فکر کو خراج تحسین پیش کرتے ہیں‎،شہدائے آزادی کی قربانیوں کی بدولت ہم آزاد وطن کے مکین ہیں۔932